Naan in Kōppeļļo̧k eo
Jej kautiej leddik ro nejin Anij ilo m̧wen̄an in eaorōk ilo ad pedped ioon inepata ko aer im ro ilo doulul ko aer.
Kōrā ro jeiū im jatū rejitōn bōro, ilo ad jino m̧wen̄an in ejenolo̧k an kōrā an kweilo̧k eo eļap, ij m̧ōņōņō in lewaj n̄an kom̧ ennaan in kōppeļļo̧k eo jān Būreejtōnji eo Kein Kajuon.
Mwen̄an ko ad ilo Jādede in rekar juon bwebwenato eo jibadbad ko aer roktak im jarlepju ko ie. Joteen in jekar kobaiktok n̄an bwebwenato in ilo ad jino ioon juon jibadbad ekāāl im wāween jerbal eo n̄an anto̧o̧ne ko ad ilju im jekļaj. Gospel eo an Jisōs Kraist ejjab oktak. Katak ko an gospel rejjab oktak. Bujen ko ad make rejjab oktak. Ak ium̧win elōn̄ iiō ko m̧aantak, kweilo̧k kein jekar kōm̧m̧ani n̄an leto letak ennaan ko ad rekar oktak im āinwōt naaj oktak ium̧win elōn̄ iiō ko.
N̄an kiiō, kweilo̧k in an joteen in Jādede in ej juon m̧wen̄an an kweilo̧k eo eļap, ejjab juon m̧wen̄an an jabdewōt. Āinwōt aolep m̧wen̄an ko an kweilo̧k eo eļap, karōk eo, rikōnono ro, im al ko rej kōm̧m̧an jān Būreejtōnji eo Kein Kajuon.
Jekar kajjitōk ippān Būreejtōn Jean B. Bingham, Būreejtōn eo Eutiej an Doulul eo an Kōrā ro, n̄an kōjekiik m̧wen̄an in. Mwen̄an ko an joteen in Jādede ko tokālik remaron̄ naaj kōjekiiki jān juon iaan Opiija ro Jet Routiej, āinwōt ro uwaan Būreejtōnji eo an Doulul eo an Kōrā, Doulul eo Jiron̄ ro, im Būraimere, kar ijjitōn̄ jān Būreejtōnji eo Kein Kajuon.
Bon̄in m̧wen̄an eo an Jādede in an kweilo̧k in eļap enaaj pedped ioon inepata ko an kōrā ro ilo Raan Ko Āliktata. Menin enaaj koba katak ko an Kabun̄ eo an Jisōs Kraist im Armej ro Rekwojarjar ilo Raan Ko Āliktata, kakien ko an Kabun̄ in me rej iookļo̧k eļaptata n̄an kōrā ro, im eddo ko aer im jerbal ko an doulul ko ekoba kōrā ro im leddik ro an Kabun̄ in. Men̄e kadiwōjļo̧k in imejatoto an mwen̄an in ej n̄an juon jarlepju ipeļaakin laļ in āinwōt aolep mwen̄an ko an kweilo̧k eo eļap, jarlepju eo ej ruwainene n̄an pād ilo Conference Center eo n̄an m̧wen̄an in ej kōrā ro im leddik ro iiō ko aer 12 im rūttoļo̧k. Jekar kobaiktok jet ritōl ro an priesthood eo ro rej tōl ioon doulul ko rej bōk koņaer ilo iien in.
Ta eo me jej jino bōk jikin ijin ej uwaake kein jipan̄ leto letak meļeļe ko ewōr ippād kiiō n̄an ritōl ro an Kabun̄ in an Irooj ipeļaakin laļ in im membōr ro an. Katak ko an gospel eo an Jisōs Kraist ej n̄an aolep, im en̄in ej pedped in un eo ad in im ej n̄an lilo̧k ennaan kein n̄an aolep armej. Jej kautiej leddik ro nejin Anij ilo m̧wen̄an in eaorōk ilo ad pedped ioon inepata ko aer im ro ilo doulul ko aer.
Jej kam̧m̧oolol bwe kein jerbal kein raan kein kiiō rej leļo̧k n̄an ritōl ro an Kabun̄ in maron̄ n̄an kōm̧m̧ane kaminene eo epolel ilo aer kōnono n̄an kajjojo jarlepju ej bōk koņaan jān ijo ettoļo̧k. Jej barāinwōt kam̧ool m̧ool in bwe iien ko rem̧m̧an n̄an ito itak ko kiiō rej ļapļo̧k. Men kein rej kōtļo̧k ad jilkinļo̧k ritōl ro an Kabun̄ in n̄an kōm̧m̧ane face to face ko in kam̧m̧inene eo an ritōl ro ilo jarlepju eo ej bōk koņaan jān ijo ettoļo̧k.
En̄in ej jerbal eo an Irooj Jisōs Kraist. Kōj jej rijerbal ro An, rej tōl jān Jetōb Kwojarjar eo An. Jej leļo̧k ioon ritōl ro an doulul kein kōjeraam̧m̧an ko an Irooj im ioon kōrā ro retiljek im leddik ro rej jerbal n̄an Irooj ilo doulul kein im mour ko aer kajjojo. Ilo etan Jisōs Kraist, amen.