Kapas Mi Auchea
Kapas a forata ew ngingi. Ra aweni ach ekiek, mefiach, me met mi fifis, ren mi och ika mi ngaw.
Pwi, fefinei, me chiechiei seni fonufan unus, uwa kinisou ren ai upwe porous me mwen ei chommongun aramas, chammong me neimi ami chon ach Mwichefel me chammong me neimi ami chiechiach me minafon chon ausening ngeni ei mwich mi katou non asapwan. Kapong!
Ekkewe afanafan ra katou seni ei nenien afanafan ra katou non kapas. Ra katou non Fosun Merika me chiaku non arapakan ipuku sokofesenin fosun fonu. Iteitan wewen ewe a nono fengen. Kapas Nge kapas a fokkun auchea. Mut ngeniei upwe apasa sefani ena. Kapas Mi Auchea!
Ir ach nongonongun ifa usun sipwe wewefengen; ra pwarata ach nukunuk, nesen, me amemef. Fan ekkoch sia kapas non fos, fan ekkoch sia ausening. Kapas ra fori ew ngingi. Ra aweni ach ekiek, mefiach, me met mi fifis, ren mi och ika mi ngaw.
Ngawan pwe, kapas ra tongeni tou me non awach nge ese wor ekiekin, non mwitir, me ametek. Nupwen sia apasa, sise tongeni angei sefanir. Ra tongeni akinasa, eriafou, pokkuetiw, me tongeni emwen ngeni watten osukosuk. Ra tongeni achou kich.
Nge pwan ew, kapas a tongeni pwan apwapwai ach win, tongeni epinukunuk me apochokun. Ra tongeni pesekich ach sipwe ekiek sefan, poputa sefan, me ekasiwini fetanich. Kapas a tongeni suki ach ekiek ngeni ennet.
Ina pwata, akom me akaewin, an ewe Samon kapas a auchea.
Non ewe Puken Mormon, ewe soufos Alma me noun aramas non Merika me nom ra churi chommong maun ngeni ekkana rese chiwen eteneki ewe kapasen Kot, apochokunano netiper, me angawano ar oreni. Ekkewe mi nikitu ra pwan tongeni fiu, nge Alma a ourourer “Iwe iei, pokiten afanafanen ewe kapas a fis pwe ew mettochun echimw ne emmweni ekkewe aramas ne fori met minne mi pung—ewer, a kon fen wor pochokunen pungun won ekiekin ekkewe aramas nap seni ewe ketinas, are och pwan mettoch, minne a fen fis ngeni ir—iei minne Alma a ekieki pwe mi auchea pwe repwe sossot ewe pochokunen kapas an Kot.”1
Ewe “kapasen Kot” a nuseni meinisin sokkun mokutukutun pwarano ekiek ika memef. A fen iei chok seni forutan fonufan nupwen ewe Samon a kapas: “Epwe wor saram: iwe a wor saram.”2
Seni ewe Chon Amanau ekkei kapasen apochukun a katou non ewe Testamen Sofo: “Nang me fonufan repwe mworono, nge ai kapas esap tongeni epwe mworono.”3
Iwe ei: “ika emon a tonge ei, epwe aponueta ai kapas: me Semei epwe tongei i, me aupwe feito ngeni i, me am oupwe fori imwem ren i.4
Seni Mary, inan Jises ewe, a feitto ei tekisosonun kapasen pwarata: “Nengeni ewe chon angangen ewe Samon; epwe chok fis ngeniei minne ka fen apasa.”5
Etiwa pwe mi ennet me tumunoch ngeni ewe kapasen Kot epwe akana kich ngeni I. Preseten Russell M. Nelson a pwonei, “Ika ka kaeo An kapas, om we tongeni om kopwe usun chok I epwe napeno.”6
Sise mochen kich meinisin sipwe, ussun ewe kon a apasa, “more blessed and holy—more, Savior, like thee”?7
Uwa anapanapa nikinikin ewe anuwon Joseph Smith won pwasukun a rongorong ekkewe kapasen Seman won Nang: “[Joseph,] Iei I Nei Achengicheng. Rongorong ngeni I!”8
Sia “rongorong ngeni I” non ewe kapasen pukfel, nge sia mut ngenir repwene chok mot won ewe peich, ika kich mi asina I nupwen a kapas ngeni kich? Kich mi siwin?
Sia “rongorong ngeni I” non pusin ach pwarata me memef seni ewe Ngun mi Fel, non ponuwen iotek, me non ekkana fansoun nupwen Jises Kraist chok, seni manamanen An Achasefan, a tongeni epwe mwarei osach mi chouch, ngeni kich omusomusan ach tipis me kinamwe, me foropachekich “non poun an tong.”9
Aruwan, ewe kapas an nouch soufos mi auchea.
Soufos ra pwarata ussun nonnomun Jises Kraist. Ra aiti kich An kapas allim me pwari An tong ren meinisin.10 Uwa pwarata pun nouch Soufos, Preseten Russell M. Nelson, a rong me apasa ewe kapasen Kot.
Preseten Nelson a sineochu nounoun kapas. I a apasa, “Nom won ewe annen pwon mi pin,”11 “Ioni fengeni Israel,”12 “Mut ngeni Kot epwe nemenem,”13 “Apochokuna ach wewe,”14 “Awora kinisou,”15 “Anapano om nuku non Jises Kraist,”16 “Anganga om kapasen pwarata,”17 me “Winiti emon chon fori kinamwe.”18
Kukuto chok, i afen urenikich kich sipwe “Ekieki muun selestial.” “Nupwen ka churi ew watten osukosuk,” i apasa, “ekieki muun selestial! Nupwen ka tonong non sosot, ekieki muun selestial! Nupwen ei manau ika atongom ra fori om kopwe netipengaw, ekieki muun selestial! Nupwen emon a mwitir, ne mano ekieki muun selestial!Nupwen ewe choun manau a kon osukosukok, ekieki muun selestial! … Nupwen ka ekieki muun selestial, netipom epwe akasiwin, … kopwe kuna sosotum me om osukosukom non eu minafon saram, … [me] om nuku epwe napeno.”19
Nupwen sia ekieki muun selestial, sia kuna “mettoch ussun ennetin nikinikir, me … fokkun repwe ina.”20 Non ei fonufan a chourek ren osukosuk me fitikoko, sia mochen ena anen ach sipwe ekieki mettoch.
Me mwen Elter George Albert Smith, epwe Presetenin ewe Mwichefen, a kapas ussun ach tipeew ngeni ewe soufos me tumunoch ngeni ar kapas. I a apasa: “Ach wiseni ne aitata pouch … eu mi fokkun pin. … A wewen … pwe kich sipwe utta nukusokurun i; sipwe iotek faniten i; … me sipwe achocho ne apwonueta an kapasen afon usun ewe Samon epwe afonou.”21 Non eu wewe, sipwe achocho apwonueta an nouch soufos kapas.
Usun emon kewe 15 soufos, chon osini, me chon pwarata ra etiwa nanew ren ach Mwichefel non fonufan unus, Uwa mochen pwar ngonuk eu memef ai etiwa ewe soufos me kamochuno an kapas. A chok usun ewe soufos Jacob, ewe a apasa, “Uwa fen rong ewe mongungun ewe Samon a kapas ngeniei non wesewesen kapas.”22
Non ewe October punuwei, Melanie, me ngang am oua nom Bangkok, Thailand, nupwen uwa amonota ai upwe epinono ewe 185th tempel an ewe Mwichefen.23 Me rei, ewe angang mi ir me ruu ussun nge esap fen ennetin me tekisoson. Iei ewe aewin tempel non ewe southeast Asia peninsula.24 A kauta non wesewesen murinon forun— a onu sasar, tiu oun a kouta asana, “Kraist i ewe a omochu fengeni unusen ewe imw pun epwe fefeita”25 an epwe eu imwen ewe Samon. Ren fitu maram uwa fen ekieki ewe efeioch. Met a nom non nguni me ekieki ewe fonu me ewe tempel ekkewe soufos me aposel ra fen komoch non pour me tumunu. Preseten Thomas S. Monson a awora esinesin ren ewe tempel26 me Preseten Nelson a efeiochu.27
Uwa amonata ewe iotekin efeioch non kewe mwaram akom. Ekkana kapas mi pin ra fen chiakutiw non 12 kapasen fonu. Am wa moneta. Ina met uwa ekieki.
Ewe pwinin me mwen ewe efeioch, uwa neno seni ai mour fiti eu osukosuken, atapwanen memef ussun ewe iotekin efeioch. Uwa sotuni ne nikiti ewe amemef, ekieki ewe iotek a nom. Nge ewe Ngun ese tongeni suseniei. Uwa mefi ekkoch kapas ese pachenong, me ren amwaran foforun nang ra fetto rei non pwarata, me uwa wanong ekkei kapas non ewe iotek arap ngeni soponon: “Amo sipwe ekieki selestial, mut ngeni Om Ngun Mi Fel epwe nemeni non manauach, me achocho om kopwe emon chon fori kinamwe fansoun meinisin.”28 Ewe Samon a achema ngeniei ai upwe tumunoch ngeni kapasen nouch soufos mi manau: “Ekieki Selestial,” “mut ngeni ewe Ngun epwe nemenem,” “achocho om kopwe chon fori kinamwe.” Kapasen nouch soufos a auchea ngeni ewe Samon me ngeni kich.
Aunungatin, me fokkuun akauchea, ach pusin kapas. Nuku ei, non nouch chungan ameme-a amasowa29 fonufan, ach kapas mi auchea.
Ach kapas a tongeni aninisoch ika asonga, apwapwa ika rochongaw, oturano. Non ewe fansoun osukosuk, kapas ra tongeni aretong me mwono non anononun metekin non ewe ngunl—me nom ikana. Ach kapas won ewe internet, mak won phone, social media, ika tweets ra uwei eu manau won pusin ar. Nge tumunoch ren met oua apasa me ifa ussun ami apsa. Non ach kewe famini, akaewin ren mwan mi pupunu, fefin mi pupunu, me semirit, ach kapas a tongeni uwei fengenikich ika uwei fesenikich.
Mut ngeni ei upwe tingor unungat mecheresin kapas sia tongeni nounou an epwe wau ewe metekin pos seni weires me tipefesen, ekieta, me apochokunata emon me emon kich.
“Kinisou chapur.”
“Omusano tipisi.”
Me “Ai tong ngonuk.”
Ousap isoni ekkei tekisosonun kapas fan iten ew fansoun mi auchea ika watten osukosuk Nounou kana kapas fan chommong me fiti netip, pwe ra pwari netipe tong ngeni ekkoch. Poraus a kukununo; ousap tapwei ei nikinik.
Sia tongeni apasa “kinisou” non ewe elevator, non ewe parking lot, ren ewe market, non ewe ofes, ian ese nifinifin fansoun, ika ren chiechiach me chon oruch. Sia tongeni apasa “omusana tipisi” nupwen sia fori mwan, sise fiti mwich, namenono uputiw, ika kuna emon mi metek. Sia tongeni apasa “Ai tong ngouk” ekkei kapas ra uwei ewe porous“Uwa anomuk non ai ekiek,” “Uwa men achenuk,” “Ngang upwe anisuk,” ika “Ka mwen auchea mwerei.”
Upwe ngeni kemi eu ai pusin awewe. Mwan mi pupunu, tumunoch ngeni. Fefinei, ei epwe pwan anisuk. Me mwen ai unusen fansoun angang non ewe Mwichefen, Uwa sai fetan towaw ren ai we kompeni. Uwa sai non ukukochun fansoun ai upwe tour ngeni neni mi towaw won fonufan. Nesoponon ai we ran, ika mo ian ua nom ian, iteitan ua kokori neimw. Nupwen punuwei, Melanie, a ponuweni ewe fon me Uwa aporausa, am poporaus fansoun meinisin a mut ngeni kem am pwe apasa “Ai tong ngonuk.” Iteitan ran, ekkei kapas ra usun eu anko ngeni nguni me ai foffor; ra appetiei seni an ewe tefin angang. “Melanie, Ai tong ngonuk” kapasen ewe auchean nukunuk nefinem.
Preseten Thomas S. Monson a fen apasa, “Mi wor peche repwe posetiw, pau repwe kamoch, ekiek repwe pesei, netip repwe amwasanga, me ngun repwe amanaua.”30 Apasa “kilisou,” “Omusana tipis,” “Ai tong ngonuk” epwe chok fori na.
Pwi me fefinei, Kapas mi auchea.
Uwa pwonei pun ika sia “kametip won ekkewe kapasen Kraist”31 ekkewe ra emwen ngeni amanaua, an nouch soufos kewe kapas repwe emweni me apochokuna kich, me ach pusin kapas repwe kapas ren kich ion me met sia aucheani, ewe manamanen ewe nang epwe nitiw woch. “Ekkewe kapasen Kraist repwe erenikemi mettoch meinisin met oupwe fori.”32 Kich Noun Samach won Nang semerit me I ach Kot, me I a mochen kich sipwe kapas “aweni awan chon nang”33 ren manamanen ewe Ngun mi Fel.34
Uwa tongei ewe Samon Jises Kraist. I ewe, non kewe kapasen ewe Testamen Nomw soufos Isaia, “Murino, Chon Aninis, Ewe Kot mi napanap, Sam ese much, Ewe Kingen Kinamwe.”35 Me nupwen ewe Aposel John a afata, Jises Kraist won Winikapan “ewe Kapas.”36
Ren ei uwa pwarata usun emon Aposel a koko ngeni an ewe Samon angangen nang me koko ngeni—an epwe affata An kapas—me kokko an epwe utta ussun emon noun chon pwarata ussun I mi auchea. Non itan ewe Samon Jises Kraist, amen .