Iapani

Vaaiga Aoao

Na muai auina atu e Le Ekalesia a Iesu Keriso o le Au Paia o Aso e Gata Ai faifeautalai i Iapani i le 1901. E ui ina na tapunia le Misiona a Iapani i le va o le 1924 ma le 1948 ona o popolega faaupufai, sa faaauau pea e tagata o le Ekalesia ona ola i lo latou faatuatuaga, faasoa atu le talalelei, ma atinae le Ekalesia i Iapani. Ina ua toe foi atu le Ekalesia i Iapani i le faaiuga o le Taua Lona II a le Lalolagi, na faapea ona maua atu i ai se vaega toaitiiti o tagata Iapani faatuatua na liliu mai, e toaitiiti na papatisoina, sa faapotopoto faatasi e le aunoa.

Talu mai le Taua Lona II a le Lalolagi,o loo faifai malie pea ae mausali le alualu i luma o le Ekalesia i Iapani. Ua faaalia e le Au Paia Iapani le tuuto tele i le talalelei toefuataina. I le 1965, e toatele na taulagaina taimi ma totogi e malaga ai i le malumalu i Hawaii. I le vaitaimi o le 1970, o lenei tuuto na taitai atu ai i le fausiaga o se malumalu i Tokyo—o le malumalu muamua lea i Asia ma o le muamua o malumalu e tolu i Iapani Ua faia e le Au Paia Iapani i aso nei ni saofaga taua i o latou afioaga ma le atunuu. Mo se faataitaiga, i le 2011, ina ua mavae le faaleagaina e le mafuie ma le galulolo i Iapani Sasae o le tele o eria, na faaaluina e le Au Paia Iapani le tele o itula i le tufatufaga osapalai o le toomaga ma fesoasoani i o latou tuaoi e toe lipea mea na faaleagaina.

O le talafaasolopito o le Ekalesia i Iapani o se tasi o le talitonuga mausali ua faapea ona sopo atu i tuaoi o le atunuu ma feeseeseaiga tau faaupufai. O le faatuatua o le Au Paia Iapani ua molimau i le mana o le talalelei toefuataina e fusia ai tatou “ua nuu faatasi ma le au paia, o le aiga foi o le Atua” (Efeso 2:19).

Mea Moni Vave

Igoa Aloaia: Iapani/Nihon-koku/Nippon-koku
Taulaga: Tokyo
Aai Aupito Telē: Tokyo
Gagana Aloaia: Faaiapani
Telē o le Laueleele: 364,485 km² (140,728 mi²)
Eria o le Ekalesia: Asia i Matu
Misiona: 6 (Fukuoka, Kobe, Nagoya, Sapporo, Tokyo, Tokyo South)
Aulotu: 268
Malumalu: 4 (Fukuoka, Okinawa, Sapporo, ma Tokyo)