Kisha në Hungari

Në vitin 1887, hungarezi Misha Markov u kthye në besim pranë Konstandinopojës (Stamboll), Turqi. Në vitin 1899, ai shërbeu si misionar në vendin e tij të lindjes, por u arrestua dhe u dëbua nga Hungaria për shkak të predikimit të tij. Ai u përpoq të përhapte ungjillin në vendet fqinje, por pas vështirësive atje, Plaku Markov dhe shoku i tij predikuan në Temesvar, Hungari, derisa qeveria i detyroi të largoheshin. Ditën para se të largoheshin, ata pagëzuan dhe konfirmuan 12 vetë dhe zgjodhën udhëheqësit për një grigjë prej 31 anëtarësh.

Para se të fillonte Lufta I Botërore, 106 persona gjithsej u bashkuan me Kishën në Hungari. Kufizimet politike më pas e kufizuan punën misionare deri në vitet ‘80.

Në qershor 1988, Hungaria i dha Kishës njohje legale. Një vit më vonë Presidenti Tomas S. Monson përkushtoi shtëpinë e parë të mbledhjeve në vend. Misioni i Budapestit, Hungari, u krijua në qershor 1990.

Këtu janë disa fakte rreth Kishës në Hungari sot:

Anëtarësia	4,253
Misione	1
Lagje dhe degë	19
Qendra të historisë familjare	5