Ngaahi Akonaki Maʻa Hotau Kuongá

ʻE fakatefito e ngaahi lēsoni Sāpate fā ʻa e Lakanga Taulaʻeiki Faka-Melekisētekí mo e Fineʻofá, ʻi he “Ngaahi Akonaki Maʻa Hotau Kuongá.” ʻE lava ke teuteuʻi ʻa e lēsoni takitaha mei ha lea ʻe taha pe lahi ange ʻo e konifelenisi lahi fakamuimuitahá. ʻE lava ke fili ʻe he palesiteni fakasiteikí pe fakavahefonuá ʻa e ngaahi lea ke fakaʻaongaʻí, pe te na tuku atu ʻa e fatongia ko ʻení ki he kau pīsopé mo e palesiteni fakakoló. ʻOku totonu ke fakamafaiʻi ʻe he kau takí ʻa e mahuʻinga ke ako ʻe he houʻeiki tangata ʻo e Lakanga Taulaʻeiki Faka-Melekisētekí pea mo e houʻeiki fafine ʻo e Fineʻofá, ʻa e lea tatau pē ʻi he Sāpate tatau.

Ko kinautolu ʻoku nau omi ki he lēsoni Sāpate faá, ʻoku poupouʻi atu kinautolu ke nau ako pea omi ki he kalasí mo e makasini ʻo e konifelenisi lahi fakamuimuitahá.

Ngaahi Fokotuʻu ki Hono Teuteu ʻo ha Lēsoni mei he Ngaahi Leá

Lotu ke nofoʻia koe ʻe he Laumālié ʻi hoʻo ako mo akoʻi ʻa e (ngaahi) leá. ʻE ʻi ai ha ngaahi taimi ʻe ʻahiʻahiʻi ai koe ke ke teuteu ke fakaʻaongaʻi ha ngaahi nāunau kehe ʻi hoʻo teuteu lēsoní, ka ko e ngaahi lea konifelenisí ʻa e nāunau fakalēsoni ʻoku fakangofua atú. Ko ho fatongiá ke tokoni ki he niʻihi kehé ke nau ako mo moʻuiʻaki ʻa e ongoongoleleí ʻo hangē ko ia naʻe akoʻi mai ʻi he konifelenisi lahi fakamuimuitaha ʻa e Siasí.

Mou toe fakamanatu e (ngaahi) leá, ʻo kumi ke ʻiloʻi e ngaahi tefitoʻi moʻoni mo e ngaahi tokāteline te ne feau e ngaahi fie maʻu ʻa e kalasí. Kumi foki ke ʻiloʻi e fanga kiʻi talanoa, fakamoʻoni fakafolofola mo e ngaahi fakamatala mei he (ngaahi) leá ʻe tokoni atu ki hoʻo akoʻi e ngaahi moʻoni ko ʻení.

Fokotuʻutuʻu e founga ʻokú ke loto ke akoʻi ʻaki ʻa e ngaahi tefitoʻi moʻoní mo e ngaahi tokāteliné. ʻOku totonu ke kau ʻi hoʻo fokotuʻutuʻú ha ngaahi fehuʻi ʻe tokoni ki he kau mēmipa ʻo e kalasí ke nau:

ʻIloʻi e ngaahi tefitoʻi moʻoni mo e ngaahi tokāteline ʻi he (ngaahi) leá.
Fakakaukau ki honau ʻuhingá.
Vahevahe ʻenau mahinó, ngaahi fakakaukaú, taukeí mo e ngaahi fakamoʻoní.
Fakaʻaongaʻi e ngaahi tefitoʻi moʻoni mo e ngaahi tokāteline ko ʻení ʻi heʻenau moʻuí.

Māhiná	Nāunau ki he Lēsoni Sāpate Faá
Nōvema 2009–ʻEpeleli 2010	Ngaahi lea ʻoku pulusi atu ʻi he Liahona* ʻo Nōvema 2009
May 2010–October 2010	Ngaahi lea ʻoku pulusi atu ʻi he Liahona* ʻo Mē 2010