Ko ʻEtau Pēsí
Naʻe fāʻeleʻi mai pē au ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea ʻoku ou fakamālō lahi ai. Kuó u ako ʻi he Siasí ha meʻa lahi fekauʻaki mo e Tamai Hēvaní, Sīsū Kalaisi pea mo e Laumālie Māʻoniʻoní. Ko Sīsū Kalaisi ʻa hoku faʻifaʻitakiʻanga maʻongoʻongá. ʻOku ou ʻiloʻi ʻokú Ne ʻofa ʻiate kitautolu kotoa.
Naʻe fakamālohia ʻeku fakamoʻoní ʻi hoku papitaisó. Naʻá ku ongoʻi moʻoni ʻa e Laumālie Māʻoniʻoní. ʻOku tokoniʻi au ʻe he Laumālie Māʻoniʻoní ke u fili ki he totonú.
Naʻe hoko ʻa Siosefa Sāmita ko ha palōfita, pea pehē mo e kau palōfita kotoa pē naʻe omi ki he māmaní kimui ange aí. ʻOku moʻoni ʻa e Tohi ʻa Molomoná mo e Tohi Tapú.
Lūkasi D., taʻu 11, Siamane
ʻElisa M., taʻu 9, Filipaini
Keilini C., taʻu 11, Kosita Lika
Naʻá ku vaʻinga pasiketipolo ʻi ha ʻaho ʻe taha he akó mo hoku ngaahi kaungāakó, pea hanga ʻe ha taha ia ʻo e tamaiki tangatá ʻo tolongi ʻaki e foʻi pulú homau kaungāakó. Naʻá ku feinga ke taʻofi pea mo tokoni ange ke mahino ki ai naʻe hala ʻene meʻa naʻe faí, ka naʻe ʻikai fanongo mai ia kiate au.
Naʻe kole mai heʻeku pīsopé kimui ange ai ke u fai ha malanga ʻi he lotú fekauʻaki mo e ʻulungāanga maʻá. Naʻe ʻikai ke u ʻilo ʻe au pe ko e hā ʻa e ʻulungāanga maʻá pe ʻoku ou maʻu ia pe ʻikai. Ne toki fakamanatu mai ʻe heʻeku faʻeé ʻoku ou maʻu ʻa e ʻulungāanga haohaoá he naʻá ku feinga ke hoko ko ha taha fai fakalelei ʻi hoku ngaahi kaungāmeʻa he akó pea mo feinga ke tokoniʻi ʻa e vaivaí.
Tēvita S., taʻu 10, Taiuani
Ko e taimi naʻe kole mai ai ʻa Palesiteni Monisoni ke tau tokoni ki he kakai kehé, naʻá ku foaki e senitolo naʻá ku saiʻia taha aí ki ha kiʻi taʻahine naʻe fuʻu masiva. ʻOku ou ʻamanaki ke u tokoni ki ai ʻi ha toe ngaahi meʻa kehe.
Feiani S., taʻu 10, Palāsila
Toʻohemá: faitaaʻi ʻo e pasiketipoló © Getty Images