Ko e hā ʻa e Kōlomu ʻo e Lakanga Fakataulaʻeikí?

Mei he “Ko e Kōlomu ʻo e Lakanga Fakataulaʻeikí,” Liahona, Sānuali 1999, 50–53.

Ko hono vahevahe mai ʻe ʻEletā D. Toti Kulisitofaseni ʻo e Kōlomu ʻo e Kau ʻAposetolo ʻe Toko Hongofulu Mā Uá ha niʻihi ʻo ʻene ngaahi fakakaukau ki he kaveinga ko ʻení.

ʻOku fakamahino ʻe he folofolá ʻa e ngaahi kōlomu ʻo e lakanga fakataulaʻeikí pea mo honau ngaahi fatongia takitaha ʻi he Siasi ʻo Sīsū Kalaisí he ʻahó ni.

Ko e taimi ʻoku fakataha ai ha kōlomu pe kulupu ʻo e lakanga fakataulaʻeikí ko ha kalasi, ʻe lava ʻe hono kau mēmipá ʻo ako fakataha, ke “fafanga ʻa kinautolu ʻaki ʻa e folofola lelei ʻa e ʻOtuá” (Molonai 6:4), pea mo tupulaki fakalaumālie.

Ko e kōlomú ko ha ʻiuniti ngāue. ʻE ʻilo ai ʻe he ngaahi kōlomu ʻo e Lakanga Taulaʻeiki Faka-Melekisētekí mo e Lakanga Taulaʻeiki Faka-ʻĒloné honau laumālié ʻi he ngāue tokoní.

Ko kimoutolu kotoa pē kuo fakanofo ki he lakanga fakataulaʻeikí ʻoku mou kau ki ha kōlomu. Kapau ʻoku mou nofo ʻi ha feituʻu ʻoku ʻikai tokolahi feʻunga ai ha kakai tangata ke faʻu ha kōlomu, te mou hoko ko ha mēmipa ʻo e kulupu fakataulaʻeiki te ne lava ʻo faʻu ha kōlomú.

Tukupā ʻi he taimí ni ke ke fai ʻa e meʻa kotoa pē ʻi ho mālohí ke ngaohi hoʻo kōlomu ʻo e lakanga fakataulaʻeikí ke hoko ʻo taau mo e hingoá pea faipau ki hono misioná.

Toʻomataʻú: tā fakatātaaʻi ʻe Jennifer Tolman