Taimi Maʻu-Meʻatokoni Efiafí—ko ha Taimi ʻo e Ako

Serena Gedlaman, ʻAlapeta, Kānata

Liliu ʻa e taimi maʻu-meʻatokoni efiafí ke hoko ko ha taimi ʻo e ako. Ko e meʻa pē ke faí ko hano tuku ha niʻihi ʻo e ngaahi nāunau ʻa e Siasí ke ofi maʻu pē ki he tēpile maʻu-meʻatokoní. ʻI homau ʻapí ʻoku mau faʻa fakaʻaongaʻi ai e ngaahi nāunau ʻoku akoʻi ʻaki ʻema fānaú. Hangē ko ʻení, kuo mau fakaʻaongaʻi ʻa e kiʻi tohi fakahinohino Tui ki he ʻOtuá maʻá e Tamaiki Fefiné, kiʻi tohi Fakalakalaka Fakatāutaha ʻa e Kau Finemuí , pea mo e kiʻi tohitufa Ki Hono Fakamālohia ʻo e Toʻu Tupú. Pea ko e meʻa pau ʻa hono tauhi ke ofi maʻu pē mo e ngaahi folofolá.

Ko e taimi ʻe niʻihi ʻoku mau lau ha ngaahi palakalafi pea mau aleaʻi leva kinautolu. Pea ʻi he taimi e niʻihi ʻoku mau kumi ai ha ngaahi fakamoʻoni fakafolofola. Kuo aʻu ʻo mau ako maʻuloto ʻa e tefito ʻo e tui hono nimá mo mau aleaʻi hono ʻuhingá ʻi he taimi ʻoku mau maʻu-meʻatokoni aí.

Ko e taimi ʻoku tau fokotuʻutuʻu ai e tēpilé ʻaki ʻa e ngaahi meʻa fakamanatu ko ʻeni ʻoku lava ʻo fai ki ai ʻa e mamatá, ʻe faingafoua leva ke tau manatuʻi hono mahuʻinga ke fafanga fakalaumālie kitautolu pea mo fakatuʻasino foki.

Fakatokangaʻi ange: ʻE lava ke fakatou maʻu atu e ongo tohi Tui ki he ʻOtuá maʻá e Tamaiki Tangatá mo e Ko Hono Fakahoko Hoku Fatongia ki he ʻOtuá. Ko e ngaahi nāunau kotoa pē ʻoku hā atu ʻi ʻolungá ʻe lava ʻo maʻu taʻe-totongi atu ia mei he ngaahi senitā tufakiʻanga nāunau ʻa e Siasí pe ʻi he ʻInitanetí ʻi he www.ldscatalog.com. ʻE lava foki ʻe kinautolu ʻoku nofo ʻi ʻAmelika pea mo Kānatá ke telefoni ki he Senitā Tufakiʻang Nāunau ʻi Sōlekí ʻi he fika 1-800-537-5971.