Mga Balay sa Ginoo

Ang templo mao ang dapit sa pagkat-on mahitungod sa Manluluwas sa dihang dinhi pa Siya sa yuta; kini kabahin kaayo sa Iyang kinabuhi. Ang mga panalangin sa templo ania na usab sa atong panahon” (James E. Faust, “Ang Pagpahiuli sa Tanang mga Butang,” Liahona, Mayo 2006, 67).

Ang templo mao gayud ang balay sa Ginoo. Mao kini ang dapit diin ang Ginoo nagtudlo sa Iyang mga anak ug nag-andam kanila sa pagbalik sa Iyang presensya. Mao kini ang dapit diin kita gihiusa isip mga pamilya ug gitudloan sa mga pamaagi sa Ginoo.

“Pinaagi sa pag-ila sa atong mga katigulangan ug sa pagpahigayon alang kanila sa makaluwas nga mga ordinansa nga dili nila mapahigayon sa ilang kaugalingon, kita nagpamatuod sa walay kinutuban nga pagkaapil sa Pag-ula ni Jesukristo” (D. Todd Christofferson, “The Redemption of the Dead and the Testimony of Jesus,” Liahona, Ene. 2001, 11).

“Ang proseso sa pagdala nganha sa atong kaugalingon sa pangalan ni Jesukristo nga nagsugod sa tubig sa bunyag mapadayon ug mapalambo didto sa balay sa Ginoo. … Diha sa mga ordinansa sa balaang templo kita mas hingpit nga nagdala nganha kanato sa pangalan ni Jesukristo” (David A. Bednar, “Madungganon nga Paghupot og usa ka Pangalan ug Katungdanan,” Liahona, Mayo 2009, 98).

“Sa masanag nga himaya niini, ang templo daw nagpasabut ngadto sa matag usa nga motan-aw sa katahum niini nga, ‘Dali! Dali ngari sa balay sa Ginoo. Dinhi makaplagan ang kapahulayan alang sa kakapoy ug kalinaw alang sa kalag.’ … Ang [templo] nag-andam sa tanan nga mosulod aron sa pagpauli sa panimalay—pagpauli sa panimalay sa langit, pagpauli sa panimalay sa pamilya, pagpauli sa panimalay sa Dios” (Thomas S. Monson, “Days Never to Be Forgotten,” Ensign, Nob. 1990, 67, 70).

Templo sa Washington D.C. Gipahinungod Nob. 19, 1974.

Templo sa Fountain, Nashville Tennessee.

Stained glass, Templo sa Palmyra New York (layo sa wala).

Templo sa Hong Kong China. Gipahinungod Mayo 26, 1996.

Arches, Templo sa Bountiful Utah.

Templo sa Cochabamba Bolivia. Gipahinungod Abr. 30, 2000.

Masonry detail, Templo sa Cardston Alberta.

Pagkoral, Templo sa Sacramento California.

Templo sa Accra Ghana. Gipahinungod Ene. 11, 2004.