Te mau Mea no Teie Fare
Ua tuuhia te au‘a bapetizoraa o te hiero i ni‘a i te tua o na puatoro hoê ahuru ma piti (a hi‘o 2 Paraleipomeno 4:2-4), tei riro ei faahoho‘araa i na opu ahuru ma piti o Iseraela. Ma te pee i te hi‘oraa o te Faaora no te ohipa taviniraa, e nehenehe ta tatou e rave i te bapetizoraa no to tatou mau tupuna tei pohe ma te ore e farii i teie oro‘a.
I roto i te mau piha oro‘a, e faaitehia te tahi hi‘oraa poto no ni‘a i te faanahoraa a te Atua no Ta’na mau tamarii. E haapii mai te Feia Mo‘a i te mau Mahana Hopea nei i te parau no to ratou oraraa hou teie oraraa e tae noa’tu i te oraraa tahuti nei, te hamaniraa o te ao nei e te Hi‘araa o te taata, te ohipa tumu a Iesu Mesia ei Faaora no te mau tamarii paatoa a te Atua, e te mau haamaitairaa o te ti‘a ia ratou ia farii i roto i te oraraa amuri a‘e.
Ua riro te piha tiretiera ei tapa‘o no te huru faateitei e te hau tei titauhia i te mau taata atoa ia faaoti na roto i te oraraa i te evanelia a Iesu Mesia. Ua riro teie piha ei faaiteraa no te oaoa, te au maite e te hau e roaa i te mau utuafare mure ore i mua i te aro o te Metua i te Ao ra e i Ta’na Tamaiti, o Iesu Mesia.
I roto i te piha taatiraa e faaipoipohia ai te vahine e te tane, eiaha no teie noa oraraa, no te ora mure ore atoa râ.
Hi‘o anaana, Hiero no Nauvoo Illinois (i te aui roa).
Au‘a bapetizoraa, Hiero no Drapper Utaha.
Au‘a bapetizoraa, Hiero no Gila Valley Arizona
Piha Oro‘a, Hiero no Manhattan New York.
Piha Oro‘a, Hiero no Newport Beach Califonia.
Piha tiretiera, Hiero no San Antonio Texas.
E‘a Rahi, Hiero no Oquirrh Mountain Utaha.
Amuraa maa raau nana‘ohia, Hiero no Mexico City Mexico.
Piha Taatiraa, Hiero no Vancouver British Columbia.