Fiafia i le Aiga
O Buntha ma Neath o se tuagane ma se tuafafine e nonofo i Siem Reap, Kemupotia.
Ina ua atoa le valu o ona tausaga, na filifili Buntha ina ia papatiso. Pe a atoa le valu tausaga o Neath, o le a ia papatiso foi. “Ou te fia mauaina le Agaga Paia,” o lana tala lea.
E taua ia Buntha ma Neath le auauna atu i isi. E fia avea Buntha ma se faifeautalai pe a matua o ia. Ua tau le mafai ona faatali Neath seia avea o ia ma se “faifeautalai tinamatua,” o se faifeautalai matua. ■
E o mai tagata mai le salafa o le lalolagi e asiasi i fale mai anamua i lo latou aai, ae o Buntha ma Neath e sili atu lo la fiafia e nonofo i le fale ma faaaoga le taimi e faatasi ai ma lo la aiga.
O Buntha ma Neath e i ai lo la nofoaga faapitoa e aoao ai i fafo [o le fale] lea e la te nonofo ai ma faitau tusitusiga paia, fai a la meaaoga, ma faitau le Liahona. E fiafia Buntha ma Neath e faitau a la tusitusiga paia. La te taumafai e faitau tusitusiga paia i aso uma. E fiafia Neath e faitau i le miti a Liae. Ae fiafia Buntha e faitau e uiga ia Nifae.
O Neath e fiafia e pelē mapu. O Buntha e fiafia e taalo soka i soo se polo na te mauaina.
E faaalu e Buntha ma Neath le tele o taimi e faatasi ai. E la te taumafai lava ia amiolelei le tasi i le isi ma i tagata o o la aiga.
Ata na pueina e Chad E. Phares