O Mea Faatauvaa ma Faavalea

2011

Aperila 2011

O Mea Faatauvaa ma Faavalea

“O mea iti foi e tutupu mai ai mea tetele” (MFF 64:33).

Aoao mai le Konafesi

Ua matutua nei le ma fanau ma ua i ai o latou lava aiga ma auaiga, ae ua matou maua se auala lelei lava e aoao faatasi ai mai saunoaga a perofeta. O le masina e sosoo mai ma konafesi aoao taitasi, ou te suesue ai i lauga i luga o le www.conference.lds.org ma filifili ai ni upusii e aumai ai ni faatonuga, taiala, ma le faamafanafanaga. Ou te aoina mai ia lava ni upusii ia tofu lava le tagata ma le upusii mo aso taitasi o le ono masina a sau. (Mo se faataitaiga, ia Aperila, sa ou maua se upusii e tasi i le aso mo le aso 1 o Me 1–31 o Oketopa.) Ona ou tufaina atu lea o nei upusii i le ma fanau uma lava.

O se faaopoopoga i a latou lava suesuega o le konafesi, o nei upusii o le aso e masani ona avea ma se autu o talanoaga a le matou aiga. O se aafiaga matagofie le toe faamanatu o fautuaga a perofeta i masina e sosoo mai ma le konafesi aoao, e tusa lava pe tai fia maila matou te nonofo vavamamao ai.

Christine Tippetts, Iuta, ISA

Mafutaga Faaleaoaoga a le Tautua o Punaoa mo Galuega a le AAG

Ua ofo atu nei e le Tautua o Punaoa mo Galuega a le AAG se mafutaga faaleaoaoga e fesoasoani ai ia i latou o loo sailia ni galuega, mananao e lesitala i aoga, po o le amataina o se pisinisi. O le mafutaga faaleaoaoga e fesoasoani i tagata ia malamalama i a latou sini faalegaluega ma atiina ae le talitonu i o latou gafatia e manuia ai. Ua fuafuaina ia fai o se aoaoga, fegalegaleaiga, uunaiga, ma ia malie. O tagata taitoatasi e faaaogaina mea latou te aoaoina i mafutaga faaleaoaoga e masani ona laitiiti se taimi e sue ai galuega nai lo le tulaga e i ai pe ana le auai i le mafutaga faaleaoaoga.

O le mafutaga faaleaoaoga e aofia ai autu e pei o le faailoaina o sini faalegaluega, sailia o punaoa e ausia ai sini a se tagata, tusia o talaaga o tomai ma gafatia, ma le faamanuiaina i se galuega fou.

Ina ia sailia se nofoaga o mafutaga faaleaoaoga e lata atu, fesili i lou epikopo po o le peresitene o le paranesi pe asiasi i le www.ldsjobs.org ma kiliki i le “Find a Center.”

Agavale i le pito i luga: ata na saunia e Paul Mann; faamatalaga mai le Ua Aumai e Safana Tusitaai ia Iosia, saunia e Robert T. Barrett © 1990, e le mafai ona kopiina; Mamona o loo Otootoina Papatusi, saunia e Tom Lovell © IRI; Tavita ma Koliata, saunia e Steve Nethercott, e le mafai ona kopiina; Faataitaiga Anamua/Folafolaga o Ona po nei, saunia e Jeff Ward