O Le Atu Maresala

E ui ina sa asiasi atu tagata o le Ekalesia i le Atu Maresala i le taimi o le Taua Lona II a le Lalolagi, ae ana le oo ia Fepuari 1977 e le amataina aloaia le galuega faafaifeautalai iina. O lena tausaga, sa tofia ai Elder William Wardel ma Elder Steven Cooper mai le Misiona a Hawaii Honolulu e galulue i le eria. Faatasi ai ma le fesoasoani a Eldred Fewkes, o se tagata o le Ekalesia sa siitia atu i le Atu Maresala ona o galuega, sa latou fuafuaina ai e fai sauniga a le Ekalesia i se falelotu a se isi ekalesia.

O le tausaga muamua e 27 ni tagata liliu mai sa papatisoina e faifeautalai. O le tolu tausaga mulimuli ane, na avea ai le Atu Maresala ma se vaega o le Misiona a Maikolonesia Guam. O le 1984 sa faatulagaina ai le Itu o Majuro Atu Maresala. Sa faaauau ona tuputupu ae le faitau aofai o tagata o le Ekalesia, lea sa oo atu ai i le faatuina o se itu lona lua i le 1991 i le motu amu o Kwajalein. I le 2006, sa faatuina ai le Misiona a le Atu Maresala Majuro. O le tolu tausaga na sosoo ai sa vaaia ai le matuai faatoateleina o tagata auai malolosi i le Ekalesia ona o taumafaiga o le faatoaagaina mai, papatisoga liliu mai, ma le faamalolosia o tulaga faaleautaitai i le lotoifale. O le taunuuga, i le aso 14 o Iuni, 2009, na faatulagaina ai le Siteki o Majuro Atu Maresala.

Ina ia faitau i tala o le faatuatua ma le liliu mai o tagata o le Ekalesia i le Atu Maresala, tagai i le itulau e 32.

O Le Ekalesia i le Atu Maresala
Tagata auai	4,486
Misiona	1
Siteki	1
Itu	1
Uarota/Paranesi	11