Pe mafai faapefea ona ou tumau saogalemu mai mea leaga o le lalolagi?

Mai le “Auala e Ola Lelei Ai i le Lotolotoi o le Amioleaga,” Liahona, Me 2004, 100–102.

Ua faasoa mai e Elder Richard G. Scott o le Korama a Aposetolo e Toasefululua nisi o manatu e uiga i lenei mataupu.

E ui e ono foliga faigata le olaga i le taimi nei, ae pipiimau pea i le ai uamea o le upumoni. O loo e alualu pea i luma nai lo le mea e te iloa.

E mafai ona e ola i se olaga amio mama, tamaoaiga, ma le amiotonu, e ala i le mulimuli i le fuafuaga o le puipuiga sa fatuina e lou Tama o i le Lagi: o Lana ala sili o le fiafia.

A o e faaauau pea ona taulai atu lou mafaufau ma lou loto i le Alii, o le a Ia fesoasoani atu ina ia e maua se olaga faatamaoaigaina ma le atoatoa e tusa lava po o le a le mea e tupu i le lalolagi o loo siomia ai oe.

Ua saunia e le Tama Faalelagi tusitusiga paia ma tuuina mai se taiala faalelagi faifai pea e lagolagoina ai i tatou. O lena fesoasoaniga o le a mautinoa ai, e mafai ona e ola ai i le filemu ma le fiafia i le lotolotoi o le amioleaga ua faateleina.

Saili ma ia gauai atu i le taitaiga patino ua tuuina atu ia te oe e ala i le Agaga Paia.

Ata na tusia e Bryan Beach