“Ia E Manatua Le Na Faia Oe i Ona Po o Lou Taulealea” (Failauga 12:1)

O loo tusia i tusitusiga paia galuega a perofeta ma aposetolo. O le toatele o nei taitai sa latou silafia le Atua mai lo latou laiti. O tala faatusipaia nei e lima o loo faamatalaina ai aafiaga a nisi o nei taitai o le lumanai.

O Ioane le Papatiso, o le sa valaauina e saunia tagata mo “le afio mai o le Alii,” sa “faauuina foi e le agelu a le Atua i lenei mana ina ua valu ona aso” (MFF 84:27–28).
O le Tupu o Iosia, sa faapaleina i le valu o ona tausaga, sa faaaluina le 31 tausaga o lana nofoaiga e fesoasoani ai i tagata Iutaia e liliu mai i le talalelei (tagai i le 2 Tupu 22).
O Mamona pe a o le 10 o ona tausaga na filifilia ai o ia e Amarona e avea ma tagata na sosoo ai e tausia papatusi (papatusi a Nifae). Pe tusa o le 16 o tausaga o Mamona sa ia taitaia ai autau a sa Nifae. (Tagai i le Mamona 1:2–4; 2:1–2.)
O Tavita sa na o se “taulealea” lava (o se alii talavou) i le taimi sa ia fasiotia ai Koliata, atonu e tupulaga lava ma fitafita o le autau a Helamana (tagai i le 1 Samuelu 17:49–56; Alema 53:22).
O Iosefa sa 17 ona tausaga i le taimi na faatau atu ai o ia i Aikupito, lea “sa i ai Ieova ia Iosefa” (tagai i le Kenese 37:2, 27–28; 39:2).