Nai Otootoga o le Lalolagi

Taliaina e le Ekalesia Ulufalega mo le Tauvaga Lona Iva Faavaomalo o Faatufugaga

O le a faia e le Falemataaga o Talafaasolopito a le Ekalesia ni fomu lesitala mo le Tauvaga Lona Iva Faavaomalo o Faatufugaga ia maua i luga o le initoneti i le aso 4 o Aperila, 2011. E tatau ona tuuina atu ia talosaga mo le tauvaga i luga o le initoneti pe lafo mai foi i le meli ina ia taunuu mai ae lei mavae le aso 7 o Oketopa, 2011. O le autu o le tauvaga o loo loma nei o le “Ia Faailoa Atu Ana Galuega Ofoofogia” (MFF 65:4). Mo nisi faamatalaga i le gagana Peretania po o le maimoaina o ni faatufugaga ua filifilia mai tauvaga ua mavae, asiasi i le lds.org/churchhistory/museum/competition.

Ua Faatinoina nei Tala o le Feagaiga Fou

I le lagolagoina o mataupu aoaoina o le Feagaiga Fou 2011, ua i ai nei ni ata vitio mai le tusi o le New Testament Stories ua faaata komi e faaaoga ai se metotia ua taua o le parallax. Ua maua nei ata vitio e 65 i le gagana Peretania faapea foi otio e pueina i le MP3 mo ata vitio taitasi i gagana e 11o le LDS.org. O le a maua ata vitio parallax i gagana taitasi i le faagasologa o le 2011. Saili ata vitio i le scripturestories.lds.org ma filifili New Testament Stories.

Ua Matua Aloalo Atu Alii Talavou o Bangalore i le Tiute i le Atua

Ua silia ma le 30 alii talavou mai le Itumalo o Bangalore i Initia ua faapotopoto atu i le mauga o Kanakapura ina ia aoaoina i le polokalama fou o le Tiute i le Atua ma aoao ni lesona faaleagaga mai gaoioiga faigata faaletino. Na faaaogaina e alii talavou se maea ma se masini toso mea mamafa e laasia ai le isi itu o se vaituloto. Sa latou taufetuli i le taeao, fe’a’ei i se mauga, ma aoao e tulioso mai maea. Sa faaiuina lea gaoioiga i se lotu molimau.

Vaai ma faalogo i tala o le Feagaiga Fou ua masani ai ua faatinoina mai i se tala faamatala lanu matagofie i le scripturestories.lds.org.