Faamatalaga
Na Te Sii Ese a Tatou Avega
Ou te fiafia i lenei mekasini ma ona anotusi uma. Ou te fiafia i tusiga a Pulega Aoao, aemaise o lauga o konafesi. Latou te aoao mai ma faamalosiauina i tatou ia agai i luma, e ui i o tatou tofotofoga.
Ua 26 tausaga talu ona avea au ma se tasi o le Ekalesia, ma na ou faitauina lomiga uma o le Liahona. E tele ina ou faitauina lomiga ua tuanai, ma o se tasi o tusiga e pele ia te au o le “O Le Alofa Mutimutivale o le Alii,” na saunia Elder David A. Bednar (Me 2005, 99). E fesoasoani ia te au e manatua ai le tele o auala e oo mai ai le Tama Faalelagi ma Lona alofa mutimutivale ma sii ese a tatou avega mamafa.
Iolanda Valenti, Italy
O Aoaoga e Sau mai le Alii
Ou te faafetai mo le maua o saunoaga o perofeta soifua i masina uma. Ou te iloa o a latou aoaoga e sau mai le Alii ma o le a faamanuia ai lo’u olaga pe a ou faaaogaina. O le faitauina o aafiaga o le Au Paia i le salafa o le lalolagi ua faamalosia ai lo’u faatuatua ma la’u molimau aua ua ou aoao ai i mea na faia e isi e faatoilalo ai o latou mafatiaga.
Byron David Calderon Mosquera, Ecuador