Ika-181nga Tunga sa Tuig nga Kinatibuk-ang Komperensya

Sobra sa 100,000 ka mga tawo ang mitambong sa lima ka sesyon sa Ika-181 nga Tunga sa Tuig nga Kinatibuk-ang Komperensya sa Ang Simbahan ni Jesukristo sa mga Santos sa Ulahing mga Adlaw sa Conference Center sa Siyudad sa Salt Lake, Utah, USA, niadtong Oktubre 1 ug 2. Minilyon ang mitan-aw ug nanimaw sa TV, radyo, satellite, ug mga sibya sa Internet.

Atol sa unang sesyon sa Sabado, Oktubre 1, gipahibalo ni Presidente Thomas S. Monson ang lokasyon sa bag-ong unom ka templo. Barranquilla, Colombia; Durban, South Africa; Kinshasa, Democratic Republic of the Congo; Paris, France; Provo, Utah, USA; ug Star Valley, Wyoming, USA.

Pagkahuman niini nga pahibalo, si Presidente Monson midapit sa mga miyembro sa pagtampo sa Church’s General Temple Patron Assistance Fund. “Kini nga pundo naghatag og usa ka higayong pagbisita sa templo niadtong kinsa dili makaadto sa templo,” siya miingon.

Pagka Sabado sa hapon, gipahibalo ni Elder David A. Bednar sa Korum sa Napulog Duha ka mga Apostoles ang bag-ong seksyon sa youth.lds.org—FamilySearch Youth and Family History (lds.org/familyhistoryyouth). Ang tumong niining bag-o nga seksyon mao ang pagtabang sa mga batan-on sa pagdiskobre sa family history ug moserbisyo sa ilang katigulangan pinaagi sa pagpangita sa ilang mga rekord. (Tan-awa ang artikulo sa pahina 128.)

Atol usab niini nga sesyon, si Elder Claudio R. M. Costa gi-released gikan sa Kapangulohan sa Seventy. Gipaluyohan ngadto sa Kapangulohan sa Seventy mao si Elder Tad R. Callister (tan-awa sa pahina 128 alang sa iyang biography). Dose ka mga Seventy ug Area Seventy ang gi-released o gitudlo nga mahimong emeritus (tan-awa sa pahina 23 alang sa mga pagpaluyo ug pag-release).

Atol sa iyang pakigpulong sa Dominggo sa buntag, gipahinumduman ang tanan ni Presidente Henry B. Eyring, Unang Magtatambag sa Unang Kapangulohan, sa panawagan nga—gihimo niadtong Abril sa kinatibuk-ang komperensya karong tuiga—nga ang tanang mga miyembro moapil sa adlaw sa pagserbisyo karong 2011 (tan-awa sa Henry B. Eyring, “Mga Oportunidad sa Paghimo og Maayo,” Liahona, Mayo 2010, 22).

Ang mga miyembro sa tibuok kalibutan naminaw sa komperensya sa 93 ka mga pinulongan. Alang sa impormasyon kon kanus-a maanaa ang mga bersyon sa teksto, audio, ug video sa lain-laing mga pinulongan, bisitaha ang lds.org/general-conference/when-conference-materials-will-be-available.

Usa ka rendering sa artist nga nagpakita sa Provo Tabernacle, nga naguba tungod sa sunog, itukod pag-usab isip ikaduha nga templo sa Provo, Utah, USA.