Te afa‘iraa mai i te paraimere i te fare nei

E roaa i te mau taata atoa te mau haamaitairaa o te Autahu‘araa

E nehenehe ta outou e faaohipa i teie haapiiraa e ohiparaa no te haapii atu â no ni‘a i te parau tumu a te Paraimere no teie ava‘e.

I to Iosepha Semita iritiraa i te Buka a Moromona, ua hiti mai te hoê uiraa i roto ia’na e ta’na papa‘i parau o Oliver Cowdery. Ua haere atura raua i roto i te uru raau no te pure. A pure ai raua, « ua fâ maira te hoê ve‘a no te ra‘i mai na roto i te ata maramarama ». Teie ve‘a, o Ioane Bapetizo ïa. Ua tuu atura oia i to’na rima i ni‘a i te upoo o Iosepha e Oliver e ua horo‘a atura ia raua i te Autahu‘araa a Aarona. Ua faaue atura Ioane Bapetizo ia Iosepha e ia Oliver ia bapetizo raua ia raua. I te hoê tau poto i muri mai, ua pou mai na aposetolo Petero, Iakobo e Ioane i ni‘a i te fenua nei no te faatoroa ia Iosepha raua Oliver i te Autahu‘araa a Melehizedeka. Tei ni‘a faahou i te fenua nei te autahu‘araa a te Atua. (A hi‘o Iosepha Semita—Aamu 1:68–72).

Na roto i te autahu‘araa e nehenehe ta tatou e farii i te mau haamaitairaa faahiahia e te mau oro‘a atoa. I roto i teie mau haamaitairaa, te haamaitairaa ïa i te mau aiû fanau apî, i te taata ma‘i e i te mau tamarii tei horo‘ahia e to ratou na metua tane e aore râ e te tahi atu feia e mau nei i te autahu‘araa. E ti‘a atoa ia tatou ia farii i te tahi mau oro‘a no te autahu‘araa no te ho‘i atu i te Metua i te Ao ra. Te tahi o teie mau oro‘a, o te bapetizoraa utuhi ïa, te fariiraa i te horo‘araa i te Varua Maitai e te mau oro‘a mo‘a no te hiero e nehenehe e taati i te mau utuafare e a muri noa’tu. I roto atoa i te hiero, e nehenehe e ravehia te mau oro‘a na te feia tei ma‘iri e tei ore i farii i te mau haamaitairaa o te evanelia. E roaa i te mau taata atoa te mau haamaitairaa o te Autahu‘araa !

Te himene e te papa‘iraa mo‘a

• A ma‘iti i te hoê himene no ni‘a i te autahu‘araa i roto i te Chants pour les enfants

• Te Parau Haapiiraa e te mau Parau Fafau 84:35

Outou ana‘e

I roto i te Poe Tao‘a Rahi, a huri i te Iosepha Semita—Aamu 1:68–73. A faaohipa i tera mau irava no te tauturu ia outou ia faaî i te mau area uouo. I ni‘a i te tahi api parau, a papa‘i i te tahi atu mau mea ta outou i apo mai na roto i te tai‘oraa i teie mau irava.

1. « Te mau nei te Autahu‘araa a Aarona… i te mau taviri no te utuuturaa a , e no te evanelia no te  ».

2. tei bapetizo-matamua-hia.

3. Ua bapetizo Oliver Cowdery ia .

4. Ua ohipa Ioane Bapetizo i raro a‘e i te faatereraa a , , e .

5. I muri mai, ua horo‘a Petero, Iakobo e Ioane i te Autahu‘araa a ia Iosepha e ia Oliver.

Pahonoraa : 1. te mau melahi, tatarahapa ; 2. Oliver Cowdery ; 3. Iosepha Semita ; 4. Petero, Iakobo, Ioane ; 5. Melehizedeka.

Ohiparaa MTM Te tauturu nei te autahu‘araa i te mau taata

Te autahu‘araa, o te mana ïa o te Atua no te tavini e no te haamaitai i te mau taata na roto i te mau oro‘a e te mau haamaitairaa. I ni‘a i teie mau hoho‘a, a papa‘i ia oe iho i roto i te ohipa e tupu ra.

Te tahi feia e mau nei i te autahu‘araa e haamaitai ra e e opere ra i te oro‘a. A papa‘i ia oe iho i ni‘a i te parahiraa, ua ineine oe no te rave i te oro‘a.

E nehenehe e horo‘ahia te haamaitairaa autahu‘araa i te taata ma‘i. A papa‘i ia oe iho i ni‘a i te ro‘i, mai te huru ra, ua ma‘ihia oe.

E nehenehe e taati i te mau utuafare na roto i te mau oro‘a hiero. A papa‘i ia oe iho i mua i te hiero.

E mau oro‘a autahu‘araa te bapetizoraa e te fariiraa i te horo‘araa o te Varua Maitai. A papa‘i ia oe iho i mua i te apoo pape no te bapetizoraa.

Pae aui : Te faaho‘i-faahou-raa mai i te Autahu‘araa a Melehizedeka, na Kenneth Riley © 1965 IRI ; tei faaôhia : faahoho‘araa na Phyllis Luch © 1988 IRI ; A haamaitai ia ratou i To’na ra i‘oa, na Walter Rane © IRI ; pae atau : te mau faahoho‘araa na Rebecca Miller