Tata‘ipiti te mau haamaitairaa
Farerei ia Sophie raua Elodie A. no Antananarivo, Madagascar.
Te ora ra na maehaa ahuru matahiti o Sophie raua o Elodie i Madagascar. E motu rahi teie i tua i te pae fenua Afirita. E aamu au roa ta te utuafare. « Te taime matamua a farerei ai to’u metua tane i te mau misionare, ua ite oia e, e Ekalesia mau te reira », te parau ïa a Elodie. « I te reira noa taime oia i te faafariuraahia ». Ua bapetizohia to raua metua vahine maa ava‘e noa i muri mai.
Hou te fanauraa o na tamahine e piti, ua haapae to raua na metua i te maa e ua pure no te fanau mai i te hoê tamahine. « E ere hoê tamahine, e piti râ tamahine ta mama i fanau mai », te na reira ra o Sophie.
Ua tata‘i piti te mau haamaitairaa !
Ua haaputu te utuafare a Sophie e Elodie i te moni no na toru matahiti i ma‘iri no te tere atu i te hiero no Johannesburg South Africa no te taati ia ratou. Hau i te 2.100 kilometera to ratou tereraa na ni‘a i te fenua e i muri iho na ni‘a i te Moana Initia no te tapae i reira.
E piha utuuturaa ma‘i to te metua vahine o na tamahine i te hoê pae o te fare. Na raua e tauturu no te purumuraa e no te tamâraa i te vahi.
I ni‘a i te reva no Madagascar, te vai ra te û uouo no te ateate, te û ura no te ti‘amâraa e te û matie no te tiaturiraa.
E piti mimi ta Sophie raua Elodie, e e mea au roa na raua ia ha‘uti ia raua.
E piti animara matau-maitai-hia i Madagascar, te « lémurien » e te moo û rau (caméléon).
Te mau hoho‘a no te utuafare na Richard M. Romney ; te tahi o te mau hoho‘a na Craig Dimond © IRI ; iStockphoto.com/GlobalP ; iStockphoto.com/Lipowski