Karokoan te Moanrinan n te Mweenga
Te Tama are i Karawa e Tangirai, ao Iai Ana Babaire Ibukiu
Ko kona ni kamanena te reirei aei ao te waaki ni kakukurei n reireiniko riki ibukin ana boto n iango te Moanrinan ibukin te namwakaina aio.
E kianako boin taian kuukii aika a umunaki ngkai Nataniel e buoka Tibuna te unaine ni buniia te burawa ni kuukii nako aon taian turee. E moangare nakoina Tibuna te unaine. “Antai ae tangiriko?” e titiraki neienne.
E iango Nataniel bwa e kanga Tibuna te unaine ni karaoa te kuukii ae mamaten nanona ao ni kakatauraoi beeba ibukina ngkai e ataia bwa e kan kokorotamnei. “Ko ataia,” e kaeka teuanne.
“E eti anne,” e taku Tibu te unaine. “I a kaman kinako irarikin tinam ma tamam. Ma iai riki temanna te aomata are e a kaman kinako riki nakoiu.”
“Bwa a na antai riki?” E titiraki Nataniel.
“Te aomata temanna ae e tangiriko imwaain rokom n te aonaaba aei,” e taku Tibu te unaine.
“O,” e taku Nataniel. “Ko nanona te Tama are i Karawa.”
“Eng,”e taku Tibu te unaine, ao e koona Nataniel.
E moangare teuanne. N ataakina ae e tangiraki ao e namakina te rau inanona.
Te ririki aei n tibwatibwakin te tai, ko na reiakina riki taekan te koaua ae kamimii ae ngkoe natin te Atua. Te Tama are i Karawa e ataiko ao e tangiriko.
Kamataata iroun Becky Fawson; angamaing: karinaki iroun Phyllis Luch