Tauraoi ni Wareware
“Ba E aki anganira te Atua te nano ae mamaku; ma E anganira te nano ae korakora” (2 Timothy 1:7).
E kamwainginga ana kaintekateka Mary nako mooa ao buuki ngkai e kakauongo irouia ataein ana kiraati tabeman ake a ikaruoruo ni wareware man booki aika a tabu. Ana kantaninga bwa e na aki roko ana tai.
Iai aki toamaun ana konabwai Mary ni manin taian taeka ae aranaki bwa te dyslexia. Ngkana e tarai manin taeka iaon te iteraniba, a taraa ni biriaitua ao ni kaibibitia nneia. Ngkana e wareware n takaarua, a waeremwe ana taeka ao n tabetai a aki boo ma aongia. Angin te tai e wareki taeka ake a bon aki mena ikekei.
Ngke e a kaan roko ana tai Mary, e a korakora riki maakuna. Ngke e a bon roko raoi ana tai, e aki kona ni kaitaraa Mary.
“I riai n nako n te roki,” e taku n te tai ae waekoa ngkai e kibarake man ana kaintekateka, ni kanakoan ana boki aika a tabu are a bwaka iaon te burooa. E birinako Mary nakon kawain te roki. E kukurei bwa akea kaaina. E tei n te koona ao ni moanna n tang.
Tabeua te miniti imwiina, e ongo bwanaan Titita Timiti ni wetea arana ngkai e rinnako n te roki. Tera ae riki?”
E aki ataa te bwai ae e na taekinna Mary. E bon rangin mamaa. Akea mairouia ataei tabeman ae iai aia kanganga aei. “I aki kona ni wareware!” e tang ngke e karinnakoa atuna inanon baina ake e rukum.
“Ko aki kona ni wareware?” E titiraki Titita Timiti, ma n raraoma. “I a tia n nooriko n taetae n te Moanrinan. I ataia bwa ko konaa ni wareware.”
E ioioa atuna Mary. “I kamatenanoi au taetae. I kataneiai iaoia ni kaokioki n te aro bwa I aonga n aki kataia ni wareki imataia aomata. I aki kona ni wareware n takaarua, ao ngkana I karaoia, a bati au kairua. I aki tangiria bwa a na ngareakinai ataei tabeman.”
“O, Mary, I kabwara au bure. N na aki weteiko bwa ko na wareware n takaarua nikarokoa I ataia bwa ko a tauraoi,” E taku Titita Smith. “Ao I aki kakoaua ae e na iai temanna ae e na ngareakiniko. Bon raoraom ni kabane.”
“Ataei aika a mena n te reirei a ngareakinai,” E wirikiriki Mary.
E kaoi ranin matan Mary Titita Smith. “Oki nakon te kiraati. Ko na nooria,” e taku neienne.
A uaia n okirikaaki nakon te kiraatiruum. Raoraon Mary ae Betsy e tekateka n te kaintekateka irarikin Mary, ni kaeti baan ana boki aika a tabu Mary aika a nimwanunu. E tekateka Mary, ao Betsy e kaoka ana boki nakoina.
“Antai ae kan wareware imwiina?” E titiraki Titita Smith.
“Bon ana tai Mary,” e taku te ataeinimwaane inanon te kiraati.
E tabwara Mary, ma e tarataraia nako kaain ana kiraati ao e noori moangareia. E katoutoua atuna Titita Smith ao ni moangare naba. E nako nanon Mary, ma e kunea nnena ao ni moana ana wareware.
A waeremwe ana taeka. Iai tabeua ana kairua, ma ngke e bae, e karaurau ni wirikiriki i taningana Betsy ni kaeta raoi te taeka. E aki raoiroi ana wareware Mary n aroia ataei tabeman inanon ana kiraati, ma akea ae ngare ke ni bwainingareia. Imwiina ai ana tai temanna, ao e waaki nako te reirei.
Ngke a nakonako nakon ruun te Moanrinan imwiin te kiraati, e wirikiriki Titita nakon taningan Mary ngkai e kakatonga irouna. E kukurei Mary bwa e aki katai ni karaba ana kanganga ni wareware. “N na teimatoa ni kataneiai,” e iango. Ao e moangare, n ataakina bwa iai raoraona aika a raoiroi n te taromauri ae ana boutokaia inanon ana waaki.
Kamataata iroun AprYl Stott