Kaoti Iango

Ana Mwakuri ni Koaua te Akoi

E riingaki nanou n rongorongo aika uoua ake a koreaki n Eberi 2012: N ana rongorongo Unimwaane David A. Bednar, “Te Mwakuri ni Kamaiu ao te Mwananga n te Maiu n Rabwata” (iteraniba 12), ao ana rongorongo Kristen Nicole Cardon, “Te Akoi ae Kamimi” (iteraniba 10). Au titiraki i aon koauan ana mwakuri te akoi ni maiura ae mamate ao ni karekean te maiu are akea tokina iroura e kaekaki raoi au titiraki. I kakaitau ibukin rongorongo aikai—a tia ni karaka riki ootau n te aro ae mwaiti, ao I kaokioki n iangoi raoi nanoia.

Emmanuel Adu-Gyamfi, Ghana

Kaetakina

N ana rongorongo te Moan Beretitentii inanon Tianuare 2012, “Living the Abundant Life,” ti katinanikua te taeka are e koreaki nakon Mary Anne Radmacher. Te kuoteition e kuneaki i aon iteraniba 5 n te Riaona. N ana taeka Ms. Radmacher e kangai, “N tabetai te ninikoria bon te bwanaa ae maraara n tokin te bong ni kangai, ‘N na kataia riki ningabong.’” E kaoti, ibuakon ana koroboki Ms. Radmacher, Ninikoria E Aki Bekorara n Tainako (2009). Ti karautaeka ibukin tarariaoana.