Te Bwai ae I tangiria n Au Bonginibong

Angelica Carbonell Digal, Philippines

Ngke I a butimwaea te euangkerio n rorou ae 18, I kinaa bwa I a tia ni karekea te taneiai ae te kabanea ni kakukurei. I namakina te kukurei ae korakora, ma I iangoiia kaain au utu, ake a bua ao n tiotio nako. I namakina te rawawata ae korakora n ae ti ngai kaain te Ekaretia n au utu, ma I aki ataia bwa N na kangaa ni buokiia tabeman n ongo ao ni butimwaea te koaua.

I kataia inanon kawai aika bati ni kairii nanoia au utu ni kakauongo nakoia mitinare. Ma n au kakatai riki, a rikirake riki n tabwarabwara.

I a moanna ni bwarannano, ao ngaia are I iangoia bwa N na aki manga nako n taromauri. Ma ngke I tataro, e kaoti te taeka ae tabu n au iango: “Imwiin bwaai aikai kam a manga kakeai, ao e tamaroa riki ngke arona bwa kam aki ataai” (2 Nibwaai 31:14). I kakorakoraai riki n tataro, ni wareki booki aika tabu, ni kaei au boowi n te Ekaretia, ao ni katuruturua au taratara iaon kakabwaia inanon maiu. N tokina, te maraki e moanna ni bua.

Ngke e a kaan roko aubonginibung, I namakina ana kairiiri te tamnei bwa N na karaoa au bootaki n au auti ao ni kaoia raoraou ni kabane n te Ekaretia, n ikotaki ma mitinare aika bwanin aia tai. I tangiria au utu bwa a na rangi n reitaki ma kaain te Ekaretia, aika a taraaki irou bwa ngaia kabanea n aomata ni kukurei n te aonaaba. Ibukiu, te bootaki kanga ai aron te kainutu n te tairiki.

Imwiin te bong anne, bwaai a bitaki. Mitinare a butimwaeaki inanon ara auti ao n riki bwa raao aika kakannato ma au utu. Teuana te bong tamau e katanoata bwa e tangiriia ni kabane kaain te utu bwa a na ongora irouia mitinare ao n nako n taromauri. I bon tiaoki.

Teniua te ririki imwiin au bwabetito, au utu a bane ni bwabetitoaki. N tain te taromauri ni bwabetito, tinau e kaota ana kakoaua, ao tamau e kaaitauiia mitinare. Kaain te uoote a bon mimii n rairakiia.

E kangaa n riki? Ni kabanea au namakin aika tamaroa ibukin au utu ao kouru ake I katei a bane ni mwakuri. Ma iaoia ni kabane, nanon tamau n tauraoi ni butimwaea te euangkerio bon man aia tangira ao n aia iraorao mitinare ao membwa n te uoote. Ni kabane membwa bon mitinare ibukin aia banna ni katotoo ni maiuakinan ana euangkerio Iesu Kristo. I bon kakaitau ibukiia ao ibukin ana babaire te Tama are i Karawa, are e kariaia utu bwa a na bootaki n aki toki.

Ngke e a kaan au koronririki, I namakina ana kairiiri te tamnei bwa N na karaoa au bootaki n au auti ao ni kaoia raoraou ni kabane n te Ekaretia, n ikotaki ma mitinare aika bwanin aia tai.