Aia iteraniba ataei iaan te 12 te ririki

Carolina L., ana ririki 11, mai Venezuela, e ikawairake n Ana Ekaretia Iesu Kristo ibukiia Aika Itiaki ni Boong aika Kaitira ao n tangiria n taainako ni kan nako n te Caracas Venezuela Temple. Inanon Maati 2012 ana moan tai ni kawara te tembora. E riki bwa kukureina ae bati.

Iai au utu ae rangin onoti. Te umwantabu bon onoua te aoa raroana mairoura, ma ti nako ngkana ti konaa. Tamau e kakabwaia te toa ibukira ni katoa Tabati, ao tinau e reireinai n te Moanrinan. Ti nanakon te Recife Brazil Tembora teuana te tai n te ririki. N na nako ni mitinare ngkana I a ikawai raoi. I kamatebwai booki aika a tabu ao n tataro ni katoa bong. I kataia ni kakukureia te Tama are i Karawa n riki bwa te ataeinimwaane ngai ae raoiroi. I rangin tangira te euangkerio.

Kevin L., ana ririki 8, Brazil

Ngke I nako n te tembora, I unga ma tamau ao tariu ae, Ryan, inanon menan tinau n te tetere ma raoraona. I rangin rau ngke I mena n te ruu n tataninga n te tembora. I rangin kukurei ni mena n ana auti te Tama are i Karawa ao namakina Ana tangira ao Ana akoi rinanon te Tamnei. I tangira ana auti te Uea.

Jorge M., ana ririki 6, Costa Rica

Mwaaneu ae uarereke, Omega, ao Ngai ti tangiria ni kan noora te tembora. Ngke e kawara te Monterrey Mexico Tembora ara uoote, ti nako n te nukanibong ao ni mwananga inanon onoua te aoa n nako ikekei. I ataia bwa te tembora ike a kabaeaki iai utu a kona n akea tokiia. N te tai ae waekoa ti na mwaing nako Tuxtla Gutiérrez. Iai te tembora ikekei, ao ti na konaa ni mwananga n angin te tai. I kakaitau ibukin taian tembora.

Helem N., ana ririki 4, Mexico

Solene S., ana ririki 6, Brazil

Aio tamnein te Asunción Paraguay Tembora. I rangin kukurei ibukina bwa n te tai ae waekoa ti na kabaeaki n aron te utu. I anga au kakaitau nakon te Tama are i Karawa ibukin au utu ae e anganai.

Angelo N., ana ririki 5, Paraguay

Ngke I rin n te Quetzaltenango Guatemala Tembora, I namakina te rau ae korakora. N tain te katabu I namakina te kukurei. Taian taetae a anganai te ungannano ae korakora.

Juan G., ana ririki 11, Guatemala