Reirei Ibukin Kakorakoraia Kairake,
Kakawakin te Reirei
Te reirei bon mwakoron te euangkerio ae kakawaki ao ni katauraoi n iri n taian bobotaki ao ni katauraoi bon ibukim ao oin am utu.1 Unimwaane Craig A. Cardon man te Kaitingaun e taekina kakawakin te reirei n iteraniba aika 54–55 n te rongorongo aei.
N rikiraken te aonaaba ae kamangaongao aei, te reirei bon teuana mai buakon bwaai aika kabanea ni kainnanoaki n te maiu aei. “Ao ngkai e koaua bwa te reirei ae bati e na kairiiri nakon reken te kabwaia n te maiu n rabwata, kakawakin karikirakean te rabakau bon te kakabwaia are a reke uaara mai iai ni kakoroa bukin ana kantaninga te Uea.
Ibukin Kakorakoraia Kairake e taekinna: “E riai am reirei n raonaki ma reirei iaon bwain te tamnei. Kamatebwai booki aika tabu ao aia taeka burabeti ni boong aika kaitira. Ira te tieminari ao te intitiute. Teimatoa ni kamatebwaia ana baire Tamara are i Karawa inanon maium. Te reirei iaon te tamnei aei e na buokiko ni karekei kaeka nakon kakaewenako n te maiu ao ni kaoa ana iraorao te Tamnei ae Raoiroi.”2
Iango ibukin Reiakinaia Kairake
-
Wareka te tiekition iaon te reirei inanon Ibukin Kakorakoraia Kairake. Tibwauai oin am atatai aika raraoi ma te reirei ao te euangkerio. Aio are e na karekea am tai ni maroroakina te kainibaire aei ma aika 13 nakon 19 te ririki ao ni kaeka ana titiraki teuanne ke neienne ngkana iai.
-
Buoka am ataei ae 13 nakon 19 te ririki ni katei aia kouru n aia mwakuri ao n aia reirei ni kaineti ma ana tarena ao mamaten nanon teuanne ke neienne. Buoka teuanne ke neienne n iangoi tabeua kawai ni moana mwakurian kouru aikai.
-
Iangoa karaoan te bootakin te utu n te tairiki iaon kakawakin te reirei (te bwai n reirei ae tamaroa bon te koroboki are koreaki iroun Unimwaane Dallin H. Oaks ao Kristen M. Oaks, “Learning and Latter-day Saints,” Liahona, Eberi 2009, 26–31).
-
Naako nakon youth.lds.org ao kiriki iaon “For the Strength of Youth” iaan ana Menu te Kairake. Iaan te “Reirei,” ko na kunei koroboki aika tabu ibukin te reirei, witeo (taraa, te katooto, “Surfing or Seminary?”), Ana Tiaeno te Moomon n te burokuraem n te rerio, titiraki ma kaekaia, ao koroboki, n raonaki ma taetae mairouia Mataniwi ni Kabuta.
Iango ibukin Reiakinaia Ataei
Bon te bwai ae kakukurei reiakinan bwaai aika boou, ma te reirei e kona ni kangaanga naba. N te rongorongo n te beeba ni kaongora n te namwakaina aei bon te karaki ae atunaki n ae “Tauraoi ni Wareware (iteraniba 66). N te karaki ao e kabwarabwaraki iai rongorongon te ataeinnaine ae rootaki ana konabwai ni wareware are e aki kona iai ni kabaibati ni wareware ao a kanga ataei n te Moanrinan ni kaunga bwa e na karaoa ana kabanea n tamaroa. Iangoia ni wareka te karaki aei ma am ataei ao ni uaia ni maroroakin taekan titiraki aikai:
-
E kangaraa ana namakin Mary ngke e kataia ni karaoa te bwai ae kangaanga? Bukin tera e kakawaki bwa ko na teimatoa n reirei e ngae ngkana e kangaanga?
-
Tera te bwai ae a karaoia ataei ake tabeman ni buoka Mary? Tera ae ko kona ni karaoia ni buokia tabeman n reirei n te mweenga, n te ekaretia, ao n te reirei?
Kamataata iroun Taia Morley