Rongorongo man te Moan Beretitentii
Bwanaan te Uea
Te Doctrine ao Covenants e kaoia aomata n tabo nako bwa ana ongo bwanaan te Uea Iesu Kristo (taara D&C 1:2, 4, 11, 34; 25:16). Aio e kaonna n Ana rongorongo, ana kauring, ao ana kaunganano n tuatua are e anga n te kaotioti n rineaia burabeti. Taian kaotioti aikai ti kona n nori bwa e kanga te Atua ni kaekai ara tataro n onimaki ma rongorongo n reirei, te rau, ao taian kauring.
N ara tataro ti ukoukora ana kantaninga te Atua ni kan ataia bwa tera ae tangiria te Atua bwa ti karaoia, tera ae ti riai ni karaoia ni karekea te rau ao te kukurei n te aonaaba aei ao are imwiina, ao tera ae wene imwaira. Doctrine ao Covenants e onrake n reke ake a titiraki aomata irouia burabeti n aia tataro ae mangori. E kona n riki bwa te kairiri ae kakawaki n reiakinira aron karekean reke nakon titiraki ni maeura n rabwata ao te kamaiuaki ae akea tokina.
Te nanorinano ao te onimaki iroun Iesu Kristo bon ngaia te king. Oliver Cowdery e karekea te reke mai iroun te Uea ni kaineti ma ana iango ni ibuobuoki nakon rairan ana Boki Moomon: “Uringnga bwa ngkana akea te onimaki ao ko aki kona ni karaoa te bwai teuana; ma ngaia are bubuti n te onimaki. Tai kabwakai bwaai aikai; tai bubuti ibukin te bwai ae ko aki tangiria” (D&C 8:10).
N okioki ao n okioki n te Doctrine ao Covenants, te Uea e kantaninga te onimaki ao te nanorinano imwain ae anga Ana Ibuobuoki. Teuana bukin aei bwa ana kaeka e aki roko n te kawai are ti kantaningaia. Ke tao ana bon bebete ni kariaiakaki.
N rongorongon te Ekaretia ao bwaai ake a rinanona ara bakatibu e kaota raoi te banna. Tibutoru ae Henry Eyring e tataro ma nanona bwa e na ataia bwa tera ae na karaoia ngke e ongo te euangkerio ae kaokaki bwa e reiakinaki n te 1855. Te kaeka e roko n te mii.
E mii bwa e tekateka n te taibora ma Unimwaane Erastus Snow man Kooram n te Tengaun ma Uoman n Abotoro ao ma te unimwaane ae arana William Brown. Unimwaane Snow e reirei reirein te ekaretia are e tara n ae teuana aoana. Imwina Unimwaane Snow e kaeka, “N aran Iesu Kristo I tuangko bwa ko na bwabetitoaki ao te mwaane aei [Unimwaane Brown] … e na bwabetitoiko.”1 Au utu a kukurei bwa Henry Eyring iai te onimaki ao te nanorinano ni bwabetioaki ni 7:30 n te ingabong n te tangke ni karau i St. Louis, Missouri, USA, iroun Unimwaane Brown.
Kaekaan ana tataro e aki roko te bwana ae ongo mairoun te Uea. E roko n te kaotioti ao te mii n te tairiki, n aron are e riki ma Riaai (taara 1 Nibwaai 8:2).
Te Uea e reireinira bwa taian reke a kona n roko taian namakin. N te Doctrine ao Covenants, E reiakinaki Oliver Cowdery, “Ma ngaia ae, I tuangko n am iango ao n nanom, man ana mwakuri te Tamnei ae Raoiroi, e na roko nakoim ao e na mena inanom” (D&C 8:2).
Ao e kaunga Oliver te kawai aei: “I aki taetae n te rau nakon am kantaninga ni kaineti ma aei? Tera riki te tia kakoau ae tamaroa nakon are mai iroun te Atua?” (D&C 6:36).
Te Doctrine ao Covenants, Rongorongon te Ekaretia, ao te rongorongo are e kawakinna Henry Eyring n ana mition imwin bwabetitoana e reireinai bwa reeke a kona n namakinaki n aron kauring ao te rau naba.
N Eberi 1857, Unimwaane Parley P. Pratt man aia Kooram n te Tengaun ma Uoman n Abotoro a kaea te maungatabu n tabo ae ataki ngkai bwa Oklahoma, USA. Henry Eyring e koreia bwa Unimwaane Pratt’s “ana iango e on ma te bwarannano … , e aki kona n atai taai aika ana roko ke kawai ni birinako.”2 Henry e korea te rongorongo ae kananokawaki n te tai ae waetata imwin tiringan te abotoro. Unimwaane Pratt wakina nako ana mwananga ma te namakinan, ngkai te Burabeti Iotebwa e a tia n uotaki nakon te Carthage.
Aio au koaua bwa te Uea e kaekai tataro aika a nako ma te onimaki. Te Doctrine ao Covenants ao bwaai ake tirinanona e reiakinira bwa ti na kanga ni kina taian kaeka akanne ao ni kariaia n ara onimaki, e ngae ngke iai kawaia, kamatoan koaua, ke kauring. I tataro bwa ti ongora n tainako nako iai ao ni kina bwanaan te Uea ae tangira.
Reirei man te Rongorongo Aei
1. Iangoia bwa kam na wareka ni kabane barakirabu iaon te tataro n te rongorongo aei. Ngkana ko wareware, tuangiia kain te utu bwa ana kakauongo raoi bwa e kanga te Atua ni kaekai tataro. Iangoia bwa ko na anga kakawakin te tataro.
2. Te Doctrine ao Covenants e kaoni reke nakon titiraki. E na kanga ngkana reke nakon aia titiraki (te kaotioti) e aki tauaki mwiina? Kaungaia utu bwa ana kanga n reiakina aron kinaan ao iraan ana mwakuri te Tamnei ae Raoiroi. Ana tangiria ni kan korea mwiin iango ni kaineti ma te tataro n aia boki ni karaki.
Maing: N te tienero aei, Henry Eyring (tamnei n te maing) e koreaki taian tai ni ikotaki ma tiringan Unimwaane Parley P. Pratt (tamnei iaan Henry Eyring’s). Baan te tienero n te maing e kaota te tiritiri. Iaan te tienero bon te etition n te 1890 n te Doctrine ao Covenants.
Tamnein Parley P. Pratt kawakinaki n ana Rongorongo te Ekaretia; tienero ao tamnein Henry Eyring e kawakinaki n te University of Utah Marriott Library Botan tamnei aika a Onoti; taian tamnei iroun David Stoker