Ana Boki Moomon—Tibwauaia
I ataia bwa ana Boki Moomon e bon koaua ibukin bwaai aika teniua ake I namakin ngke I warekia.
Ngke te 18 au ririki, I bon maeka i Lima, Peru, ike I bungiaki ao man rikirake iai. N te tai anne tamau e a kaitibo ma raoraona ae tamaroa ae e a maan n aki nonoria.
Tamau e bon miiakinna bwa raoraona e taraa n ataei riki ao e bon raoiroi kunnikaina. E titirikina raoraona bwa tera ae e riki nakoina ni karekea te bitaki aio. “Ko a tibwa tokanikai n te kaniwanga n te mwane ae bubura?” e titiraki. E kaeka raoraona, “Ngaia, te bwai teuana ae tamaroa riki nakon anne. Ngkai I a bon Moomon, ao I tangiria n tibwaua te euangkerio ma ngkoe ao am utu.”
Tamau e iangoia bwa raoraona e manikangare, ai ngaia are e taku, “OK, ngkana ko tangiria ni kanakomaia am mitinare, karaoia.” Ma te aomata aio e bon rangi n taua ma nanona, ao inanon tabeua te bong mitinare a roko ao ni karebwerebwe iaon ara mataroa. Anne bon moanakin te mwakuri ae kamimii.
Mitinare a reireiniira n taekan ana Boki Moomon ao a katuka teuana te boki ibukira bwa ti na warekia. Aio ni bon tain te tiamwa, ao I bon motirawa uoua te namakaina imwiin banen au moan ririki n te uniwetiri. Ai ngaia are I anaa te boki n te bwakantaai anne imwiin te marooro ao ni moana warekana.
Te baana imwiin te baana I a warekia ao ni warekia ao ni warekia, ao I aki kona n toki. Bon iai te mwaaka are e roko man te boki. I tangiria ni wareware ao n tia ni wareki booki aika bati, ma aio e bon kaokoro. I a bon tauaki n te boki aei, ao imwiin are I a tia ni wareware inanon aoa aika bati, tinau e taku, “Juan, kamatea te taura! Tarim a tangiria ni matu.” Ao I taku, “Eng, ti teutana te tai, ti teutana te tai,” ao I reitianako ni wareware. E ngae ngke imwiin aoa aika bati ni wareware, akea te baki irou, akea te taka, ao akea tangiran te kani matu.
Imwaain ae I bane ni wareka te boki, I ataia bwa te bwai teuana ae e onoti ae mena inanona. Iai au kakoaua ibukin teniua bwaai ake I namakin ngke I wareka te boki n te moan tai.
Te moan bwai ae riki nakoiu inanon aoa akanne bon namakinan raoi te rau ae kaokoro man ake I a tia n rinanona mai imwaaina. Namakinan te rau aio e bon tiku irou inanon aoa aika bati.
Te kauoua ni bwai are I rinanona ngke I warekia bon te namakin ae kakukurei. Bon tiaki te kakukurei are I aki toki ni karekea ngkana I mena ma raou ke ngkana I kabooa te bwai teuana are I bon tangiriia. Bon tiaki te namakin ni kakukurei; bon te namakin ni kimwareirei. Ngke I bon wareware, I moanna n tang ao I kinaa, “Ai akiakora, I tangira aio!”
Ao te kateniua ni bwai are I rinanona bon kabwarabwarakina. Ngke I moanna ni warekia, e bon kangaanga te oota iai ibukina bwa iai taeka n aron Nibwaai ao Mwakuri ni Kamaiu ake a boou nakoiu. Ma imwiin tabeua te aoa ni wareware, au iango e a kaukaki, ao ai aron ae iai te oota inanon au iango ao I a kona n ataa nanona riki ao riki ngkai I reita nako warekan te boki.
I reiakinna rimwi bwa taneiai akana teniua bon tabeua kawai are e kaotii nakoira te Tamnei. I a tia ni karekea te Tamnei, ao I tauraoi ni bwabetitoaki, ma I riai n taningaia kaain au utu ni karekei oin aia kakoaua. N tokina n Eberi 6, 1972, tinau, mwaaneu, ao ngai ti a bon bwabetitoaki. Tamau ao tariu ma mwaaneu aika uoman a bon mena irarikira ao a bon ongora nakon te bwai are ti rinanona, ao tabeua te namakaina imwiina, a bon bwabetitoaki naba.
Te Ekaretia ao te euangkerio a roko inanon maiu n te tai ae riai. Inanon au moan ririki n te uniwetiri, E a tia ni kaotaki nakoiu rabakauia aomata ao iango aika boou ao kawai ni maeka aika kaokoro nakon are I taneiai iai. Mwaitin ake a manena irou I a tia n reiakin man au aro are teuana inanon au tai n ataei a kakaewenako man iango aika boou ake I karekei ngkoa.
E matoatoa irou ibukina bwa I aki oota raoi. A rangin mwaiti bwaai ake I namakin bwa a aki eti, ma bon aron teia irouia tabeman. Ao te rabakau are I karekea e aki tau ibukin katanan au kainibaire.
Imwiin are I bwabetitoaki, bon te bwai ae kaokoro irou n okiu rikaaki nakon te uniwetiri. Ngkai iai irou bwaai tabeua ae N na taekin ma te tangira nakoia tabeman. I a kona n taekinna ma te aki nanououa, “Tiaki, ko rabwa, I taku bwa tiaki anne ibukiu.” Ao ngkai I ataia bukin tera I riai n taekina anne. Te Ekaretia ao ana Boki Moomon a roko nakoiu n te tai ae tamaroa. I bon rangi ni kakaitau ibukina bwa a bita maiu.
I bon kakabwaiaaki ibukin au babaire ni kaainakin te Ekaretia. N te Ekaretia I a kaitibo ma raoraou aika tatangiraki. I a tia n rangi ni mamaa, ao I tangiria n tiitiku n ti ngai, ni kamatebwai, warekii au boki, ao ni bon kakukureiai. Ma ngke e a roko te Ekaretia inanon maiu, I ata aron te rao ni koaua. I a kunea te kairake n aine ae e rangi ni kamimii inanon te Ekaretia are e a riki bwa buu. I a kuneia taan kairiiri n te nakoanibonga ao aomata aika a tabeakinai. Inanon ana Ekaretia te Uea, I a kunea te bwai are I kaninnanoia.
A rawata aomata ae a na kunea bwa tera are a kainnanoia n te Ekaretia. Tai maaku n taetae ma raoraomi ao n atonga, “I kakoaua aio. I tangiria n tibwaua aio ma ngkami.” N tabetai kam ongo bwaanaia ikawai n taekina ae eeti ao ae bure, ma ngkana iai raoraom ae rorom ae taekina te bwai ae titebo, ko ira te aomata anne. Ibukina tabeua ao bwanaaia raoraora a korakora riki nakoia bwanaaia ikawai. Ai ngaia are riiki bwa te katotoo ae tamaroa ibukina bwa ko aki kona n ataia ngkana te Juan Uceda e na mena ikekei n tataninga. Ko aki kona n ataia ti ngkana ko kauka wiim ao n taku, “Juan, I tangiria ni kaoko nakon au ekaretia. I tangiriko bwa ko na wareka te boki aio.” Ngkana ko karaoa te bwai ae e beebete anne, ko kona ni bitii maiu.
Unimwane Uceda (te kauoman man te angaatai) ma ana utu i Lima, Peru, tabeua te tai imwiin kaainakin te Ekaretia.
Imwiin kaainakin te Ekaretia, Unimwaane Uceda e a tia n reke ana tai ae bati n tibwauaa ana kakoaua n ana Boki Moomon ngke ngaia te mitinare ae bwanin ana tai i Peru. Maing, ieta: Unimwaane Uceda (atai) e tei ma te utu are e rairaki are e reireiniia. Maing, inano: Unimwaane Uceda (te rain ibuki, atai) e botaki ma mitinare ake tabeman itinanikun ana kateitei te ekaretia.
Tamnein te Utu ana bwaintangira Unimwaane Uceda; kamataata iroun Brian Call