Kiʻi Tohi Fakamatala ʻo e Konifelenisi ʻo ʻOkatopá

2013

Fēpueli 2013

Kiʻi Tohi Fakamatala ʻo e Konifelenisi ʻo ʻOkatopá

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pē ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

ʻI hoʻo toe vakaiʻi ko ia ʻa e konifelenisi lahi ʻo ʻOkatopa 2012, ʻe lava ke ke fakaʻaongaʻi ʻa e ngaahi pēsí ni (mo e ngaahi Tohi Fakamatala Fakakonifelenisi ʻi he ngaahi pulusinga he kahaʻú) ke tokoni atu ki hoʻo akó mo fakaʻaongaʻi ʻa e ngaahi akonaki fakamuimuitaha ʻa e kau palōfita mo e kau ʻaposetolo moʻuí mo e kau taki kehe ʻo e Siasí.

Fakafonu ʻa e konga ʻoku ʻataá

“ʻE fakafōtunga ʻe he fili ko ia ke ngāue fakafaifekaú ʻa e ikuʻanga fakalaumālie ʻo e tokotaha faifekaú, ʻa hono malí, pea mo hona hakó ʻi he ngaahi toʻu tangata ʻo e kahaʻú” (Russell M. Nelson, “ʻEke ki he Kau Faifekaú! Te Nau Lava ʻo Tokoniʻi Koe!” Liahona, Nōvema 2012,18).
“ʻOku ou fie fokotuʻu atu , ke ke manatuʻi ha foʻi lea ʻe nima ke tokoniʻi kitautolu ke tau feʻofaʻaki ange: ‘Tomuʻa sio, pea toki tokoni” (Linda K. Burton, “Tomuʻa Sio, Pea Tokoni,” Liahona, Nōvema 2012, 78).
“Ko e ngāue fakatemipalé mo e hisitōlia fakafāmilí ko ha ngāue pē ia ʻe taha ka ʻoku konga ua” (Richard G. Scott, “Ko e Fiefia ʻi Hono Huhuʻi ʻo e Kau Pekiá,” Liahona, Nōvema 2012, 93).
“Ko e ʻulungaanga fisifisimuʻa taha ʻo e ʻofá, ʻa e ” (Jeffrey R. Holland, “Ko e ʻUluaki Fekau Maʻongoʻongá,” Liahona, Nōvema 2012, 84).

Ngaahi talí: 1. ikuʻanga fakalaumālie; 2. ke mou feʻofaʻaki; 3. hisitōlia fakafāmilí; 4. mateakí

Faʻu ha Tukufakaholo Fakafāmili

Naʻe akoʻi ʻe ʻEletā L. Tomu Peuli ʻo e Kōlomu ʻo e Kau ʻAposetolo ʻe Toko Hongofulu Mā Uá ha ngaahi meʻa ʻe nima ʻe lava ke fakahoko ʻe he ngaahi matuʻá ke fokotuʻu ai ha ngaahi tukufakaholo fakafāmili ʻoku mālohi angé. Naʻá ne pehē: “ʻOku fenāpasi ʻa e ngaahi fokotuʻu ko ʻeni ki hono faʻu ha tukufakaholo fakafāmili mālohi mo e tukufakaholo ʻo e Siasí. ʻE hoko hotau anga fakafāmili leleíko ha maluʻi ki heʻetau fānaú.”

“ʻE lava ke lotu tāumaʻu ʻa e mātuʻá, ʻo kole ki heʻetau Tamai Taʻengatá ke tokoni ange.”
“Te nau lava ʻo lotu fakafāmili, ako folofola, mo efiafi fakafāmili ʻi ʻapi pea mo maʻu meʻatokoni fakataha ki he lahi taha ʻe lavá.”
“ʻE lava ke ʻaonga kakato ki he mātuʻá ʻa e ngaahi tokoni ʻa e Siasí.”
“ʻE lava ke toutou vahevahe ʻe he mātuʻá ʻenau fakamoʻoní ki heʻenau fānaú.”
“Te tau lava ʻo fokotuʻutuʻu hotau fāmilí ʻo fakatatau mo e ngaahi tuʻutuʻuni mo e ngaahi fie maʻu fakafāmilí, ngaahi tukufakaholo mo tōʻonga fakafāmili leleí, pea mo e ‘tuʻunga fakaʻekonōmika ʻo e fāmilí.’”

Mei he “Ko e Hoko ko e Mātuʻa Leleí,” Liahona, Nōvema 2012, 28.