ʻE Founga Fēfē Haʻaku Tataki ha Fakataha?
Tā fakatātaaʻi ʻe Scott Greer
Kuó ke ʻosi taʻu 12 mo hiki mei he Palaimelí ki he Kau Finemuí pe Lakanga Taulaʻeiki Faka-ʻĒloné. ʻOku lele lelei ʻa e meʻa kotoa pē, pea ʻokú ke saiʻia ʻi ha niʻihi ʻo e ngaahi meʻa foʻou ʻokú ke lava ʻo fakahokó. Ka kuó ke fakatokangaʻi, ʻoku toe ʻomai ʻe he liliu ia ko ʻení ha ngaahi fatongia foʻou. Ko e taha ʻo e ngahi fatongia ko iá ʻe ala kiʻi fakailifia kiate koé he ʻe ala kole atu he taimí ni ke ke tataki ʻa e ngaahi fakatahaʻangá.
Ko e ngaahi fie maʻú mo e ʻasenitá mahalo ʻe kiʻi kehe, ʻo fakatatau mo e faʻahinga lotu ʻokú ke tatakí (ʻekitivitī ʻa e Mutualé, ngaahi fakataha fakakōlomú pe fakapalesitenisií), ka ko ha ngaahi fokotuʻu mo ha ngaahi fakahinohino fakalūkufua pē ʻeni ke fakakaukauʻi ʻi hoʻo fakahoko ho fatongiá:
-
Ngāueʻaki ha ʻasenita ʻoku hā ai ʻa e meʻa ʻe hoko ʻi he fakatahá. ʻEke ki ho kau takí pe ʻoku ʻi ai haʻanau foomu ʻasenita ke ke toki fakafonu.
-
Fili ʻa e fasi te ne fakaafeʻi ʻa e Laumālié.
-
Palani ha lotu kamata mo ha lotu tuku.
-
Vahe ki muʻa ha ngaahi ngāue ke fai ʻo kapau te ke lava.
-
Aʻu tōmuʻa ki ai mo fakapapauʻi kuo mateuteu ʻa e meʻa kotoa pē.
-
Fakahā pe ko hai ʻe lotú, tā ʻa e hivá, akoʻi, pea mo fai ha ngaahi meʻa kehe ʻi he fakatahá.
-
ʻApasia ʻi hoʻo tatakí pea tuku ke tataki koe ʻe he Laumālié. Hoko ko ha faʻifaʻitakiʻanga ki he kau toʻutupu kehe ʻoku kau he fakatahá.
ʻE lava pē ke kiʻi fakailifia ʻete ako tataki ha fakataha ʻi he kamataʻangá, ka fakaʻau pē ʻo faingofua ange ʻi hoʻo toutou fai tuʻolahi iá, pea ʻe tokoni ia ke ke maʻu ai ha niʻihi ʻo e ngaahi taukei te ke fie maʻu ʻi haʻo hoko ko e taki ʻi he Siasí he kahaʻú.