Ko e Lea Lelei Tahá

Fai ʻe Jared Rodriguez, Meulileni, USA

Kuo pau ke tau tokanga ke maʻa ʻa ʻetau leá mo haohaoa he ko e ngutu tatau pē ʻoku tau lotu ʻakí, fai ʻaki ʻetau ngaahi fakamoʻoní, mo tāpuakiʻi ʻa e sākalamēniti māʻoniʻoní, ko ia pē ʻoku tau leaʻakí. ʻOku fakahaaʻi ʻe heʻetau founga leá ha meʻa lahi fekauʻaki mo kitautolu pea mo e tōʻonga moʻui ʻoku tau moʻui ʻakí. Naʻe pehē ʻe he ʻAposetolo ko Paulá, “Ke ʻoua naʻa haʻu ha talanoa ʻuli mei homou ngutú, ka ko ia ʻoku lelei ʻo ʻaonga ke langa ʻaki haké, koeʻuhí ke tupu ai ʻa e tokoni ki he kau fanongó” (ʻEfesō 4:29). ʻOku fakahouhau ki heʻetau Tamai Hēvaní ʻa e taimi ʻoku tau takuanoa ai Hono huafá.

Ko e fehangahangai ʻo e lea taʻe tāú ko e lotu. Ko e taimi ʻoku tau lotu aí, ʻoku tau fakaʻaongaʻi ʻa e lea lelei taha ʻoku tau lavá. Pea ʻi heʻetau fakataufolofola ki heʻetau Tamai ʻi he Langí, ʻa ia ʻoku ʻofa ʻiate kitautolú, ʻoku mahuʻinga ke tau fai ia ʻi he maʻa mo e loto fakatōkilalo. ʻE tataki kitautolu ʻi he foungá ni mo tau lava ke sio ki he ngaahi tāpuaki taʻe fakangatangata ʻo e ongoongoleleí ʻi heʻetau moʻuí.