Pagbinayloay og Istorya sa Pamilya

Ang mabulukon nga carpet ni Nana nakatabang niya sa pagpaambit og mga istorya ngadto ni Kathy (tan-awa sa mga pahina 66–67). Aniay dula nga makatabang sa mga sakop sa inyong pamilya nga mopaambit og mga istorya sa usag usa.

Magkinahanglan kamo og:

• Ginagmay, solido nga dekolor nga mga butang. Sulayi ang pagpangita og dili mominos unom ka lain-laing mga kolor. Makagamit mo og mga butones, pinintalan nga mga bato, o kinuloran nga mga kendi.

• Usa ka bag nga kasudlan sa mga butang.

Unsay buhaton:

1. Sulati ang tsart sa ubos niini nga pahina pinaagi sa pagsulat sa kolor sa usa ka butang sa matag prompt.

2. Paalirunga sa pagpalingkod ang mga sakop sa pamilya. Ibutang ang gagmay nga mga butang ngadto sa bag.

3. Ipasa ang bag libut sa sirkulo. Papuli-puliha ang tanan sa pagkuha og usa ka butang ug sa pagtubag sa prompt nga mohaum sa kolor sa butang nga ilang gipili. Padayon hangtud wala nay mga butang nga kapilian.

Tsart sa Pagbinayloay og Istorya sa Pamilya

Makahinumdom ba kamo sa lain-laing mga istorya nga gipaambit sa mga tawo alang sa kada kolor?

Kolor:	Prompt:
	Sultihi kami bahin sa imong suod nga higala.
	Kanus-a nga ikaw nagmaisugon?
	Sultihi kami bahin sa butang nga dili maayo o makauulaw nga imong gihimo kaniadto.
	Unsa ang imong paborito nga istorya sa kasulatan? Ngano man?
	Sultihi kami bahin sa proyekto sa eskwelahan nga makalingaw buhaton.
	Kon mahimo mong mausab ngadto sa bisan unsa nga hayop, unsa nga hayop ang imong gusto ug ngano?