Nahayagan diha sa Kangitngit

Hérica S., Brazil

Dili gayud nako makalimtan ang leksyon sa family home evening atol sa usa ka brownout. Kon walay suga dili kami makabasa og bisan unsa, ug sa akong pagtuo nga walay mahimo nga family home evening.

“Unsaon man namo sa pag-family home evening kon dili makabasa og mensahe gikan sa Liahona, o unsaon man namo pagkanta gikan sa libro sa mga himno kon walay suga? Naghunahuna ko.

Maayo gani ang akong igsoong babaye mitabang. Duna siyay nindot nga ideya nga manganta kami og mga himno nga among nasag-ulo ug dayon makigbahin unsay among nakat-unan nianang pagka-Dominggo. Nakigbahin kami og usa ka baruganan ug nakat-on gikan sa usag usa. Sa akong opinyon, ang pagkat-on og dungan mao ang katuyoan sa family home evening. Nakasiguro ko nga ang Ginoo nahimuot kaayo nga misunod kami sa kasugoan nga mag-family home evening, bisan walay mga suga.

Nasayud ako nga ang Ginoo dili gusto nga mobalik kita ngadto sa Iyang presensya nga mag-inusara. Gusto Siya nga mobalik kita uban sa atong mga pamilya, ug Siya gusto nga buhaton nato ang tanan nga posible aron nga kini mahitabo, lakip na sa paghimo og senimana nga family home evening.