Hi, Ako si Erika gikan sa El Salvador
Ang akong ngalan mao si Erika Z. Nagpuyo ko sa siyudad sa San Salvador sa El Salvador, ug ganahan ko nga mag-andam og mga ngalan alang sa mga ordinansa sa templo.
Ang mga Relief Society sister sa akong branch nangutana kon gusto ba kong makat-on sa pag-index og mga ngalan ginamit ang programa sa FamilySearch. Gusto kong motabang. Ang akong mama gusto usab nga motabang ko, mao nga nagsugod mi sa pagkat-on unsaon sa pag-index.
Sa una nakong pagsugod, milungtad og usa ka adlaw sa pag-index og siyam ka mga ngalan. Apan karon human maningkamot pag-ayo ug nagpraktis, maka-index na ko og 300 ka mga ngalan sa usa ka adlaw.
Pagkahuman nako og buhat sa akong homework, mogahin ko og panahon sa pag-index og mga ngalan. Alang nako, ang pag-index makalingaw sama sa pagdula o pagtan-aw og TV. Apan nasayud ko nga kini dunay mas importante nga katuyoan.
Nasayud ko nga ang Langitnong Amahan mipanalangin nako og oportunidad sa pagtabang sa pag-andam og mga ngalan alang sa mga ordinansa sa templo alang sa labaw sa 2,000 ka katigulangan nga mga Taga-Salvador didto sa kalibutan sa espiritu.
MGA LITRATO NI ERIKA UG SA RELIEF SOCIETY sa maayong kabubut-on sa pamilya ni Erika; litrato sa Templo sa San Salvador El Salvador pinaagi ni Matthew Reier © IRI