Para sa Gagmayng mga Bata
Gitawag ni Jesus ang Iyang mga Disipulo
Gikan sa Lucas 5:1–11.
Sila si Simon ug Andres mga igsoon nga mga mangingisda. Usa ka gabii niana, sila si Simon ug Andres nangisda sa tibuok gabii apan walay nakuha nga bisan unsang isda.
Si Jesus diha sa sakayan ni Simon. Giingnan niya ang managsoon sa paghikyad pag-usab sa ilang mga pukot ngadto sa dagat. Sa dihang ilang gibitad ang ilang mga pukot, puno kini sa mga isda!
Sila si Simon ug Andres mitawag sa ilang mga higala nga sila si Santiago ug Juan aron sa pagtabang sa pagyag-yag sa ilang mga pukot ngadto sa ilang sakayan. Dihay daghang kaayong mga isda nga napuno nila ang duha ka mga sakayan. Giingnan ang mga lalaki ni Jesus nga kon sila mosunod Kaniya, mangisda sila nga mas labaw kay sa mga isda. Mahimo silang mga mangingisda sa mga tawo.
Sila si Simon, Andres, Santiago, ug Juan mibiya sa tanan, lakip sa ilang mga sakayan. Nahimo silang mga disipulo ni Jesus. Misunod sila ni Jesus ug mitabang Kaniya sa pagsangyaw sa ebanghelyo ngadto sa tanan.
Sama sa usa ka mananagat nga makadala og isda ngadto sa pukot, kita makatabang sa pagdala sa mga tawo ngadto sa ebanghelyo pinaagi sa pagpakita og maayong mga ehemplo ug pagtudlo kanila mahitungod ni Jesus. Mahimo usab kitang mga mangingisda sa mga tawo!