Mga Ideya sa Family Home Evening

Kini nga isyu naglangkob og mga artikulo ug kalihokan nga magamit sa family home evening. Ang mosunod mao ang pipila ka mga ehemplo.

“Pauli nga Madungganon,” pahina 50: Human og basa sa istorya, kamo ug ang inyong pamilya maka-download ug makatan-aw sa video “Honesty: You Better Believe It!” sa youth.lds.org (anaa sa English, Portuguese, ug Spanish). Ang mga sakop sa pamilya mahimong mopakigbahin sa ilang nakat-unan gikan sa istorya o sa video. Makabasa usab mo sa Alang sa Kalig-on sa mga Kabatan-onan kabahin sa pagkamatinuoron ug kaligdong (pahina 19). Para sa kalihokan, ang mga sakop sa pamilya mahimong mag-brainstorm og mga sitwasyon diin ang ilang pagkamatinuoron mahimong masulayan. Isulat ang mga sitwasyon sa ginunting nga papel, ibutang sa bowl, ug pabunota ang tanan sa papel. Puli-puli, pabasaha ang tanan sa sitwasyon ug isulti unsay angay nga buhaton niana nga sitwasyon aron magmatinuoron.

“Ang Istorya sa Carpet,” pahina 66: Niini nga istorya, si Katy nangutana ni Nana unsay iyang gustong buhaton uban sa iyang pamilya sa dihang bata pa siya. Unsay gitubag ni Nana nga iyang gustong buhaton? Dayon gitudloan ni Nana si Katy og bag-ong kahanas, ug sila nakamugna og nindot nga panumduman. Ikonsiderar sa pagbasa sa ikapito nga paragraph sa “Ang Pamilya: Usa ka Pamahayag ngadto sa Kalibutan.” Unsay gisulti niini kabahin sa pag-establisar og malampusong kaminyoon ug pamilya? Pagpili og usa niining mga punto, sama sa kalooy, ug hisguti kini isip usa ka pamilya. Alang niini nga punto, makadapit mo sa pamilya sa paglista og mga paagi nga sila magmaloloy-on ngadto sa mga sakop sa pamilya ug sa uban. Makamugna mo og mga tumong sa tibuok semana aron mopakita nga mas maloloy-on ug hisguti giunsa ninyo pagkab-ut inyong mga tumong atol sa sunod ninyo nga family home evening. Mahimo ninyong tapuson inyong leksyon pinaagi sa pagkanta og “Families Can Be Together Forever [Mga Pamilya Mahimong Manag-uban sa Kahangturan]” (Hymns, nu. 300).

Sa Inyong Pinulongan

Ang Liahona ug ubang mga materyal sa Simbahan anaa sa daghang pinulongan sa languages.lds.org.