Fakaafeʻi Kau ʻĀtí Ke Kau Ki he Feʻauhí

ʻOku fakaafeʻi ʻe he Musiume Hisitōlia ʻo e Siasí ʻa e Kau ʻAati ʻo e Siasí ke faʻufaʻu ha ngāue fakaʻaati foʻou ki he Feʻauhi ʻAati Fakavahaʻapuleʻang hono 10. ʻOku poupouʻi e kau ʻātí ke fakaʻaongaʻi honau talēnití ke faʻufaʻu ha ʻaati ʻoku hā ai ʻa e kaveinga ʻo e fakaʻaliʻalí, “Talamai e Talanoa ʻo Sīsuú.” Ko e feʻauhí ni, ʻoku totonu ke nofotaha ʻa e ngaahi ngāué ʻi he ngaahi talanoa mei he Fuakava Foʻoú.

Ko hono fakaikiikí mo e lesisita ʻi he ʻinitanetí ʻoku maʻu ia ʻi he lds.org/artcomp, pea ʻe maʻu ʻe he kau ʻaati ʻoku nau lesisita maí e fakamatala fakamuimuitahá. ʻE tali e ngaahi ngāue ʻoku fakahū maí mei he ʻaho 3 ʻo Nōvemá 2014, ʻo aʻu ki he ʻaho 27 ʻo Fēpueli 2015. ʻOku talitali lelei ʻa e mītia fakaʻaati kotoa pē, faʻahinga, mo e ngaahi sīpinga ʻo e anga fakafonuá. Kuo pau ke taʻu 18 pe motuʻa ange ʻa kinautolu ʻoku kau maí. ʻE fai hono siviʻi ʻo e ngaahi ngāué pea ʻe fakaʻaliʻali e ngaahi ngāue ʻe filí ʻi he Musiume Hisitōlia ʻo e Siasí pea ʻi he ʻInitanetí ʻo kamata ʻi ʻOkatopa 2015.