Giablihan Pag-usab ang Visitors’ Center sa Mexico City Temple

Sa mosunod nga bulan human sa subling pag-abli, kapin sa 30,000 ang mibisita sa Visitors’ Center sa Mexico City Temple, nga miagi na sa duha ka tuig sa pagpanindot ug sa pagpalapad niini. Ang tanang exhibit anaa karon sa Spanish ug naglakip sa orihinal nga mga media nga gimugma para sa bisita nga taga-Mexico. Ang gipanindot nga sentro mao usab ang unang visitors’ center nga naglakip og usa ka dapit nga ang tibuok exhibit gihimo alang sa pagtudlo sa mga baruganan sa ebanghelyo ngadto sa mga bata.

Kining visitors center mao ang ikatulo nga kinadak-an sa 17 ka mga pasilidad, kadaghanan niini nahimutang duol sa templo o sa makasaysayanon nga dapit sa Simbahan. Usa ka visitors’ center ang kasamtangang gitukod duol sa templo nga gitukod sa Rome, Italy, ug ang mga center makita sa England, New Zealand, Hawaii, ug sa siyam ka mga estado sa kontinente sa U.S. Ang mga center, gidesinyo sa pag-abiabi sa aktibo ug dili kaayo aktibo nga mga Santos sa Ulahing mga Adlaw ingon man usab sa laing tinuohan, dili lamang sa pagpaila sa mga katawhan sa Simbahan apan sa pagtabang usab kanila nga makasabut niini nga mga pagtuo ug modasig og tinguha sa pagkat-on pa mahitungod sa Manluluwas ug sa Pagpahiuli sa ebanghelyo. Kini naglig-on usab sa mga pamilya.

Ang Mexico usa sa lig-on nga dapit sa Simbahan, mosobra na sa 1.2 ka milyon ka mga miyembro, labaw sa 200 ka mga stake ug sa 12 ka mga templo.