Ang Teknolohiya ug Social Media Nakapalapad sa Maabtan sa Kinatibuk-ang Komperensya sa Tibuok Kalibutan

Agig dugang sa kapin sa 100,000 nga nangapil sa lima ka sesyon sa ika- 184 nga Tinuig nga Kinatibuk-ang Komperensya sa Conference Center sa Siyudad sa Salt Lake, Utah, USA, labaw sa minilyon ang nanan-aw o naminaw sa mga sesyon sa 95 ka mga pinulongan pinaagi sa telebisyon, radyo, satellite, ug mga sibya sa Internet.

Samtang ang Conference Center sa Siyudad sa Salt Lake mopaigo sa 21,000 ka mga tawo, ang mga tigpaminaw sa kinatibuk-ang komperensya mikatap sa tibuok kalibutan samtang ang minilyon ka mga miyembro sa Simbahan ug ang uban pa naminaw. Labaw na sa 50 ka tuig, ang Simbahan mihubad sa mga kalihokan sa daghan nga pinulongan. Karon, ang teknolohiya nakapahimong posible nga makita live sa kapin sa 200 ka mga nasud sa tibuok kalibutan.

Agi og dugang sa mga sibya sa lokal nga mga chapel, ang Simbahan nag-stream sa komperensya nga live sa LDS.org, BYUtv, BYUtv International, sa Mormon Channel, Roku, Facebook, ug YouTube. Misaka ang Online viewership atol sa kinatibuk-ang komperensya sa Oktubre 2013 sa gibana-bana nga 30 porsyento itandi ngadto sa miaging komperensya.

Daghan usab ang misalmot sa kinatibuk-ang komperensya pinaagi sa social media. Gibaha sa mga tweet uban sa #ldsconf hashtag gibutang sa Twitter atol sa matag usa sa mga lima ka sesyon sa komperensya, naghimo sa kinatibuk-ang komperensya nga usa sa kinadaghanan nga gihisgutan sa Twitter adtong panahona. Pananglitan, atol sa Oktubre 2013, 155,000 ang nag-tweet kalabut sa kinatibuk-ang komperensya nga gi-post. (Ang matag tweet maoy komentaryo sa kada indibidwal sa 140 ka mga titik o mas minus.)

Pinaagi niining mga opisyal nga channel sa social media, ang Simbahan nagbutang og live nga mga mensahe gikan sa komperensya sa daghang pinulongan, ug kini nag-awhag sa uban sa pagpakigbahin niadtong mga mensahe. Atol sa kinatibuk-ang komperensya sa Oktubre 2013, daghang nadugang nga nanan-aw nga mitutok o naminaw sa mga mensahe sa kinatibuk-ang komperensya human nakita ang gi-post sa social media. Ang mga gipang-post gipakigbahin sa English, Spanish ug Portuguese.