Дэлхий даяар найзуудтай болох нь
Би Шведийн Минна байна
Зохиогч нь АНУ-ын Ютад амьдардаг.
Hallå, Vänner!*
Сургуулийн байранд амьдрахад чамд ямар санагддаг вэ? Минна гэр бүлтэйгээ Шведийн өмнөд хэсэгт хөдөө амьдардаг. Тэдний байшин олон жилийн өмнө сургуулийн байр байжээ. Хамгийн сайхан нь энэ байшин олон хүн орж болох өрөөтэй байгаа явдал байлаа. 12-р сард Миннагийн гэрийнхэн хөрш, найз нөхөд, гэр бүлүүдийг “дуулах” онцгой үйл ажиллагаанд урьдаг. Бараг л ная орчим хүн хамтдаа Христийн мэндэлсний баярын дуу дуулахаар цуглардаг аж. Тэгээд Скандинавын хүйтэн өвлөөр гадагш гарахаасаа өмнө тэд зоог барьдаг.
Энэ бол ногооны талбайгаасаа миний хурааж авсан нэгэн том хурган хулуу.
Би сургууль дээрээ ганцаараа Сүмийн гишүүн учраас найз нартайгаа сайн мэдээнээс хуваалцахыг хичээдэг. Заримдаа би тэднийг Хүүхдийн хэсгийн үйл ажиллагаатай өдрүүдэд сургуулиасаа урьж авчирдаг юм. Энэ нь би яг одоо эгч нар шигээ номлогч байна гэсэн утгатай юм.
Би трампалинаас үсрэх дуртай. Бас төгөлдөр хуур, лимбэ тоглох дуртай.
Би арван настай бөгөөд гэрийнхээ 9 хүүхдийн отгон нь юм. Хоёр эгч маань номлолд үйлчилж байгаа нэг нь Францад, нөгөө нь Ютагийн Ариун сүмийн талбайн номлолд үйлчилж байна.
Хойд зүгт Шведийн нийслэл Стокгольм руу автомашинаар явах нь гэрийнхэнтэйгээ миний хийх дуртай зүйлсийн нэг юм. Манай эмээ, өвөө болон бусад хамаатан тэнд амьдардаг бөгөөд би тэднийд зочилж очих дуртай.
Гэрийнхэн маань усанд сэлэх дуртай. Бид зун болохоор гэрийнхээ ойролцоох нуур руу очдог. Өвөл нь олон усан сан, усан гулсууртай цогцолбор руу явдаг.
Стокгольм хотын зургийг Maрk Oлекси/ Hemera /Thinkstock; зураг чимэглэлийг Брэд Тийрэ