Մեր տները, մեր ընտանիքները

Ընտանեկան տնային երեկո. դուք կարող եք դա անել

Անկախ նրանից, թե ինչպիսին է ձեր ընտանիքը, ընտանեկան տնային երեկոն կարող է օրհնել և ամրացնել ձեզ:

composite of older photo and paint brushes with paint on them.

Պատմական լուսանկարներ, տրամադրել է Բրիգամ Յանգ Համալսարանը; կտավի լուսանկարը՝ iStock/Thinkstock-ի:

Հայրը հոգնած գալիս է տուն աշխատանքային երկար օրվանից հետո և գտնում իր ընտանիքի մնացած անդամներին միանման մռայլ զգացմունքների պայքարում: Երկուշաբթի երեկո է, և ընտանեկան տնային երեկո անցկացնելն անհնարին է թվում: Օգնության աղոթք հղելուց հետո հայրն ու մայրը որոշում են ամեն բան անել պարզ ու հասարակ ձևով: Նրանք կանչում ու մեկտեղ են հավաքում իրենց ընտանիքին, օրհներգ են երգում և միասին աղոթում: Նրանք յուրաքանչյուրին տալիս են մի փոքրիկ մոմ, որը պետք է վառեն, երբ պատմեն այն մասին, ինչը նրանց վերջերս ոգեշնչել է: Մութ սենյակում մոմերի լույսը ներկայացնում է ոգեշնչումը և կենտրոնացնում է երեխաների ուշադրությունը: Մինչ կիսվում են վկայություններով, քաղցր խաղաղության և սիրո զգացումները լցնում են տունը: Ընտանիքը երեկոն ավարտում է երախտագիտությամբ, որ իրենք անց են կացրել տնային երեկո:

Դուք գիտեի՞ք, որ ընտանեկան տնային երեկոն Եկեղեցու ծրագիր է ադեն 100 տարի: 1915թ. ապրիլին Առաջին Նախագահությունը հանձնարարեց անդամներին ամեն շաբաթ մեկ երեկո տրամադրել ընտանեկան աղոթքի, երաժշտության, ավետարանի ուսումնասիրության, պատմությունների և խաղերի: (Էջ 80-ում տես Առաջին Նախագահության նամակից քաղվածքը:) Մարգարեները շարունակում են մեզ հիշեցնել ընտանեկան տնային երեկոյի կարևորության մասին: «Մենք չենք կարող մեզ թույլ տալ անուշադրության մատնել երկնքից ոգեշնչված այս ծրագիրը»,- ասել է Նախագահ Թոմաս Ս. Մոնսոնը: «Այն կարող է հոգևոր աճ բերել ընտանիքի յուրաքանչյուր անդամի, օգնելով նրան խուսափել գայթակղություններից, որոնք ամենուր են»:¹

Ահա մի քանի խորհուրդ, որոնք կարող եք մտապահել, մինչ դուք դարձնում եք ընտանեկան տնային երեկոն ձեր շաբաթվա մի մասը:

Սա ինձ է վերաբերվում: «Ընտանեկան տնային երեկոները յուրաքանչյուրի համար են»,- ասել է Տասներկու Առաքյալների Քվորումից Երեց Լ. Թոմ Փերին:² Մենք բոլորս էլ՝ ամուսնացած կամ ամուրի, երեխաներ ունեցող կամ չունեցող, կարող ենք ժամանակ նվիրել ընտանիքն ամրապնդելուն և ավետարանն ուսումնասիրելուն:

Ես կարող եմ ժամանակ գտնլ: Եկեղեցին օրինակ է ծառայում՝ ազատ պահելով երկուշաբթի երեկոները Եկեղեցու միջոցառումներից: Դուք կարող եք ցույց տալ Տիրոջը և ձեր ընտանիքին, որ հոժար եք ժամանակ տրամադրելու մի բանի, ինչն ամենակարևորն է:

Ես կարող եմ գտնել իմ ընտանիքի համար հարմար միջոցը: Եթե ձեր ընտանիքի անդամները տարբեր վայրերում են բնակվում, փորձեք «ընտանեկան առցանց երեկո» անցկացնել՝ խոսելով ընտանիքի անդամների հետ առցանց կամ հեռախոսով: Որևէ մեկը ստիպվա՞ծ է աշխատել մինչև ուշ ժամ: Անցկացրեք «ընտանեկան երեկո զբոսայգում» աշխատավայրի մոտ ընդմիջման ընթացքում: Մի ամուսնալուծված հայր անց էր կացնում «ընտանեկան նամակի երեկո» ամեն երկուշաբթի, գրելով իր զավակներին, ովքեր հեռվում էին ապրում:³ Թող որ խոչընդոտները խթան հանդիսանան ավելի մեծ ստեղծագործական կարողությունների համար:

Ես կարող եմ սկսել այս շաբաթ: Ընտանեկան երեկոն կարող է կազմակերպվել համաձայն ձեր ընտանիքի կարիքների և պայմանների: Ահա մի քանի ընդհանուր խորհուրդներ․

• Սկսեք և ավարտեք աղոթքով:

• Օգտագործեք երաժշտություն՝ ներառելով օրհներգերը և Երեխաների Խմբի երգերը:

• Ուսումնասիրեք սուրբ գրությունները և վերջին օրերի մարգարեների խոսքերը:

• Ամեն շաբաթ ներառեք բազմազան ֆիզիկական միջոցառումներ, ծառայության ծրագրեր և ավետարանի վրա հիմնված միջոցառումներ:

• Զվարճացեք: Խաղացեք մի խաղ կամ թեթև ուտեստներ պատրաստեք:

• Եղեք հետևողական: Եթե դուք չեք կարող անել դա երկուշաբթի օրերին, գտեք մեկ այլ հարմար օր:

Ես ցանկանում եմ ստանալ օրհնությունները: Մարգարեները խոստացել են, որ եթե մենք մասնակցենք ընտանեկան տնային երեկոյի, արդյունքում կստանանք մեծ օրհնություններ. տանը կմեծանա սերն ու հնազանդությունը: Հավատք կզարգանա երիտասարդների սրտերում: Ընտանիքները «զորություն ձեռք կբերեն կասեցնելու չարի ազդեցությունները և գայթակղությունները», որ շրջապատում են իրենց:⁴

Մինչդեռ ձեր ընտանեկան տնային երեկոները կարող են ամեն անգամ կատարյալ փորձառություններ չլինել, ձեր ընտանիքը կամրանա և կօրհնվի ձեր ջանքերի արդյունքում: «Յուրաքանչյուր ընտանեկան երեկո մի վրձնահարված է մեր հոգու կտավի վրա»,- սովորեցրել է Տասներկու Առաքյալների Քվորումից Երեց Դեյվիդ Ա. Բեդնարը: «Ոչ մի դեպք չի թվում շատ տպավորիչ կամ հիշարժան: Բայց ճիշտ ինչպես … ներկի վրձնահարվածները լրացնում են միմյանց և առաջացնում տպավորիչ մի գլուխգործոց, այնպես էլ մեր կատարած փոքր թվացող արարքները կարող են առաջ բերել նշանակալի հոգևոր արդյունքներ»:⁵

Հղումներ

1. Thomas S. Monson, “Constant Truths for Changing Times,” Liahona, May 2005, 19

2. L. Tom Perry, “Therefore I Was Taught,” Ensign, May 1994, 38.

3. “Family Home Evening: Any Size, Any Situation,” Ensign, Dec. 2001, 42.

4. First Presidency, in James R. Clark, comp., Messages of the First Presidency of The Church of Jesus Christ of Latter-day Saints, 6 vols. (1965–75), 4:339.

5. Դեյվիդ Ա. Բեդնար, «Ավելի ջանասեր և մտահոգ տան համար», Լիահոնա, նոյ. 2009, 19–20:

Մեծագույն առաջնահերթություն տալ

«Մենք խորհուրդ ենք տալիս ծնողներին և երեխաներին մեծագույն առաջնահերթություն համարել ընտանեկան աղոթքը, ընտանեկան տնային երեկոն, ավետարանի ուսումնասիրությունը և ուսուցումը, և ընտանեկան առողջ միջոցառումները: Թեպետ արժանի և պատշաճ այլ պահանջներ կամ միջոցառումներ կարող են լինել, դրանք չպետք է փոխարինեն աստվածայնորեն նշանակված պարտականություններին, որ միայն ծնողները և ընտանիքները կարող են ինչպես հարկն է կատարել»:

Առաջին Նախագահության նամակ, փետ. 11, 1999: