Քահանայության վերականգնման վայրը նվիրագործվել է
2015թ․ սեպտեմբերի 19-ին Նախագահ Ռասսել Մ. Նելսոնը՝ Տասներկու Առաքյալների Քվորումի Նախագահը, նախագահում էր այն վայրի նվիրագործմանը Պենսիլվանիայում, ԱՄՆ, որտեղ Ջոզեֆ Սմիթը և Օլիվեր Քաուդերին ստացան Ահարոնայան Քահանայություն Հովհաննես Մկրտիչից: 1820-ականներին այդ տարածքը հայտնի էր որպես Հարմոնի, Պենսիլվանիա, և վերականգված Եկեղեցու վաղ պատմության շատ իրադարձություններ տեղի են ունեցել այնտեղ.
-
Ջոզեֆ Սմիթի և Էմմա Հեյլի հանդիպումը, նրանց սիրատածումը և նրանց ամուսնական կյանքի վաղ տարիները:
-
Օլիվեր Քաուդերիի ժամանումը՝ օգնելու որպես գրագիր Մորմոնի Գրքի թարգմանության ընթացքում:
-
Մորմոնի Գրքի հիմնական թարգմանությունը
-
Ահարոնյան Քահանայության և Մելքիսեդեկյան Քահանայության (չնայած ճշգրիտ տեղանքը հայտնի չէ) վերականգնումը:
-
Քահանայության իշխանությամբ առաջին մկրտությունները ժամանակակից օրերում:
-
Ստացված հայտնությունները, որոնք դարձան Վարդապետություն և Ուխերի 15 բաժինները և Թանկագին Մարգարիտի մի մասը:
Նոր վերականգված վայրը ներառում է այցելուների կենտրոնը, որը միաժամանակ օգտագործվում է որպես ժողովատուն տեղական ճյուղի համար, Ջոզեֆի և Էմմայի և Էմմայի ծնողների՝ Իսահակ և Էլիզաբեթ Հեյլերի վերանորոգված տները, և մուտք դեպի Սասքուեհաննա գետը, որտեղ, համարվում է, տեղի է ունեցել Ջոզեֆի և Օլիվերի մկրտությունները:
«Հարմոնին ապահովում էր Ջոզեֆին հոգևոր առանձնություն և պաշտպանություն, որը թույլ էր տալիս նրան կենտրոնանալ Մորմոնի Գրքի թարգմանության վրա», - ասել է Նախագահ Նելսոնը: «Այս ժամանակաընթացքում Տերը պատրաստեց Ջոզեֆին որպես մարգարե՝ իր աստվածային դերի համար»:
Նախագահ Ռասսել Մ Նելսոնը և նրա կինը՝ Վենդին, այցելում են Ջոզեֆ և Էմմա Սմիթների տան վերականգնված շինությունը, որտեղ կատարվել է Մորմոնի Գրքի թարգմանության մեծ մասը։