Puipuia le Saolotoga o Tapuaiga

E tatau ona faaaofia le Au Paia o Aso e Gata Ai “i se auala anoa i le tauvaga taua mo le saolotoga o tapuaiga,” na saunoa ai Elder Dallin H. Oaks o le Korama a Aposetolo e Toasefululua i se konafesi o le saolotoga o tapuaiga i Texas, ISA, ia Setema 2016. “E moni o tagata uma, mai le fanau o le aoga faataitai e oo atu i tulaga o tagata tomai faapitoa ma tina ma tamā, ma uo ma tuaoi e mafai ma e tatau ona malamalama po o le a le saolotoga o tapuaiga ma pe aisea e taua ai.”

Na saunoa foi Elder D. Todd Christofferson o le Korama a Aposetolo e Toasefululua i le puipuiga o saolotoga faalelotu i se sauniga faamamaluina i Iuta, ISA, ia Iuni. “Talu ai nei,” na ia saunoa, “ua avea ma tulaga lauiloa le finau ai o le saolotoga o tapuaiga e moni lava ua na o se aia tatau e tapuai ai, nai lo le aia e faaaoga saoloto ai lo outou faatuatua i lou olaga i aso uma.” Sa ia uunaia tagata o le faatuatua ia puipuia le saolotoga o tapuaiga e ala i le malamalama, tautatala atu, ma auai i faalapotopotoga ma gaoioiga faaleaganuu, faalemalo, ma faaupufai.

Ua saunoa soo mai taitai o le Ekalesia i le mataupu o le saolotoga o tapuaiga, tilivaina atu o lauga ma auai i konafesi i Ausetalia, Pasila, Mekisiko, ma le Malo Aufaatasi faapea ma nofoaga eseese i le ISA. Sue a latou saunoaga ma aoao e uiga i le saolotoga o tapuaiga ma mea e mafai ona e faia e puipuia ai e ala i le asiasi i le religiousfreedom.lds.org. O nisi o anotusi o loo i ai e patino i le Iunaite Setete, ae e mafai ona fetuutuunai ia mataupu faavae i isi atunuu.