Atamai i Aoaoga Faavae

I le lalolagi i le aso i le taimi ua vave ona maua mai faamatalaga i luga o le Initoneti, ua le o toe mamao ese le autalavou mai tagata o e osofaia le Ekalesia. Ae o se taumafaiga fou ua ta’ua o le Atamai i Aoaoga Faavae o loo fesoasoani i tagata aoga seminare e atinae se malamalamaaga loloto e uiga i aoaoga faavae o le talalelei ma faateleina lo latou faatuatua ia Iesu Keriso.

O loo aoaoina foi tagata aoga i le auala e tali atu ai i fesili faigata ma faafitauli e ala i le faatinoina o le faatuatua, iloiloina o manatu ma fesili i se vaaiga e faavavau, ma saili ia malamalama atili e ala i punavai atofaina mai le lagi.

I se lauga i le aufaigaluega o Seminare ma Inisitituti, sa saunoa ai Elder M. Russell Ballard o le Korama a Aposetolo e Toasefululua e uiga i le Atamai i Aoaoga Faavae: “O lenei taumafaiga e musuia ma talafeagai. O le a i ai se aafiaga matagofie i luga o o tatou tagata talavou.”

O le faamoemoega autu o le Atamai i Aoaoga Faavae ina ia fesoasoani i tagata aoga:

1. Maua le malamalama faaleagaga.

2. Atamai i aoaoga faavae o le talalelei ma fuaitau o mau lea ua aoaoina ai lena aoaoga faavae.

Fausiaina i luga o mea na ausia talu ai e ala i le Taulotoina o Mau, o lenei taumafaiga o’o’o’o o le a mafai ai e tagata aoga ona faamalosia lo latou liua ma tautinoga o ni soo o Iesu Keriso, maua le puipuiga mai faatosinaga a le fili, ma faamanuiaina ia olaga o isi.

E mafai ona maua punaoa o le Atamai i Aoaoga Faavae i le lds.org/si/seminary/manuals.