ʻE Manatua Fēfē Koe ʻi Ho Meʻafakaʻeikí?

Mei ha fakamatala ʻa ʻEletā Kuenitini L. Kuki ʻo e Kōlomu ʻo e Kau ʻAposetolo ʻe Toko Hongofulu Mā Uá.

ʻI ha faʻu tohi ʻa David Brooks naʻe ui “Ko e Lisi ʻo e ʻUlungāngá,” naʻá ne faʻu ai ha fakakaukau ki he “faʻahinga ʻe ua ʻo e ʻulungāngá, ko e ngaahi ʻulungaanga manakoá (résumé virtues) mo e ngaahi ʻulungaanga tuʻuloá (eulogy virtues). Ko e ngaahi ʻulungaanga manakoá ko e ngaahi taukei ia ʻokú ke maʻu ʻe mahuʻingaʻia ai ʻa e pule ngāué ʻiate koé. Ko e ngaahi ʻulungaanga tuʻuloá ko e ngaahi tōʻonga ia ʻoku manatu melie ki ai ʻi ho putú.”

Naʻe fakaʻosi ʻaki ʻe Poloki ʻene pehē ʻoku mahuʻinga ange ʻa e ngaahi ʻulungaanga ʻoku tuʻuloá. Naʻe ongomālie ʻeni kiate au fakafoʻituitui he naʻe ʻi ai haʻaku aʻusia ʻi hoku taʻu uofulu tupú naʻe ʻaonga lahi kiate au. Naʻe kau ai ha ʻapisia ʻo ha ongo tangata lelei ʻa ia naʻe ʻikai ke fuʻu vā mamaʻo ʻa hona ʻaho putú. …

Kuó u fakakaukau ke ui ʻa e tangata ʻe taha ko Paʻanga pea ko e tangata ʻe tahá ko Tui.

Rich

Naʻe ʻi ai ha kakai lelei mo mohu taukei ʻa Paʻanga pea naʻá ne tokanga ʻaupito ki he kakaí.
Naʻe māʻolunga hono tuʻunga vāhengá pea naʻe nofo ʻi ha ʻapi lahi mo fakaʻofoʻofa naʻe tuʻu ʻi ha kelekele lahi.
Naʻe meimei ke fakatefito ʻataʻatā pē ʻene ngaahi fili fakafāmilí mo hono iví ʻi he akó mo e ngāue maʻuʻanga moʻuí.
Naʻe aʻu pē ʻo māmālohi ʻa Paʻanga mo hono uaifí.
Naʻá na meimei kau pē ki he ngaahi fakasōsiale mo e ngaahi ʻekitivitī fakakolo mahuʻingá.
ʻIkai ngata aí, naʻe hoko ʻa Paʻanga ko ha ivi takiekina ki he faitotonú, angatonú, mo e loto fie tokoní ʻi he ngaahi tuʻunga kotoa pē naʻá ne ʻi aí.
ʻI hono fakakātoá, ko ha putu fakamamahi ʻoʻoná. Naʻe mei fakatefito pē ʻa e moʻui ʻa Paʻangá ʻi he ngaahi ʻulungaanga manakoá.

faivelenga

Naʻe mali ʻa Tui mo ha fefine naʻe mālohi ʻaupito ʻi he Siasí.
Naʻe vela ʻene kiʻi pisinisí… pea mole ai ʻene meʻa kotoa pē.
Naʻá ne fokotuʻu kimui ai ha kiʻi pisinisi ka naʻe mālō pē ʻene lava ʻo totongi hono moʻuá.
Naʻe siʻisiʻi hono ʻapí ka naʻe feʻunga pē.
Naʻá ne fua hono fatongia naʻe uiuiʻi ia ki aí, ʻo ne faʻa hoko ko ha faiako, naʻá ne ʻalu maʻu pē ki he temipalé, pea naʻá ne hoko ko ha taha maʻu lakanga fakataulaʻeiki faivelenga.
Naʻá ne fiefia ke feohi tautautefito ki hono fāmilí mo e makapuna tokolahí.
ʻI heʻene maʻu vāhenga mālōloó, naʻá ne ngāue fakafaifekau mo hono uaifí.
Ko ha meʻafakaʻeiki tokolahi mo fakafiefia ʻo Tuí. Ko e ngaahi lea naʻe faí naʻe fekauʻaki ia mo hono ʻulungāngá, angaʻofá, tokoni ki he niʻihi kehé pea mo ʻene tui mo e ʻofa ki he ʻEiki ko Sīsū Kalaisí.

Ko e meʻa naʻe mahuʻinga taha fekauʻaki mo e moʻui ʻa e ongo tangata naʻá ku toki fakamatala ki aí ko ʻeku ʻiloʻi ko ia ʻe lava pē ʻe he tokotaha kotoa ʻo fai ʻa e ngaahi fili mahuʻinga tahá. … Naʻe mahuʻinga ke fakamuʻomuʻa e Fakamoʻuí, hoku fāmilí pea mo e Siasí. Ko e ola hono fai iá, ko ha moʻui ʻoku leleí.