Founga Fakafiefia ʻe Tolu ke Kamata ʻaki e Hisitōlia Fakafāmilí
ʻOkú ke fie kau ʻi ha meʻa maʻongoʻonga ange? Ko ha founga fakafiefia ʻeni ʻe tolu ke kamata ai e hisitōlia fakafāmilí kae pehē ki ha meʻangāue ʻe tolu te ke lava ʻo fakaʻaongaʻi ke fai ia.
1. Ako e fanga kiʻi talanoa fakafāmilí
ʻOku mahulu hake hisitōlia fakafāmilí ʻi he hingoá pē mo e ʻahó—ko e fanga kiʻi talanoa ia fekauʻaki mo ho fāmilí. Ako fekauʻaki mo e fanga kiʻi talanoa ʻa e kau mēmipa ʻo ho fāmilí ʻi haʻo fakaʻekeʻeke ho kāinga ʻoku kei moʻuí, hangē ko hoʻo mātuʻá, ngaahi kuí, ngaahi tokoua ʻo hoʻo faʻeé pe mehikitangá kae pehē ki hoʻo ngaahi faʻētangatá pe fototehina hoʻo tamaí. Ko e lahi ange hoʻo ʻilo fekauʻaki mo ho fāmilí, ko e lahi ange ai pē ia hoʻo ʻilo kiate koé.
-
Kumi ha fanga kiʻi tokoni mei he LDS.org ʻe ʻaonga atu ki hono tānaki e fanga kiʻi talanoa fakafāmilí.
2. Lekooti e fanga kiʻi talanoa fakafāmilí
ʻI hoʻo talanoa ki he kau mēmipa ʻo e fāmilí, hanga ʻo lekooti ʻenau fanga kiʻi talanoá. Te ke lava ʻo fakaʻaongaʻi e FamilySearch.org pe ko e polokalama FamilySearch Memories ke upload ai ha ʻū tā, fakamatala ne hiki tepi (audio) pea lahi ange ai.
3. Kumi ha ngaahi hingoa fakafāmili ke ʻave ki he temipalé.
Ko hono ʻave ko ia e ngaahi hingoa fakafāmilí ki he temipalé, ko ha founga lelei ia ke toe mahuʻingamālie ange ai e mōihū ʻi he temipalé. Te ke lava ʻo vakai ki he ngaahi hakó ʻi he FamilySearch.org ke maʻu mei ai e ngaahi kui ʻoku fie maʻu ke fai ʻenau ngāue fakatemipalé.
-
ʻAhiʻahi vakai ki he ngaahi hakó ʻi he FamilySearch.org.
Fokotuʻu ha taumuʻa ke fili ha taha ʻo e ngaahi founga ko ʻení ke kamata ʻaki e ngāue ki he hisitōlia fakafāmilí, pea aʻusia e fiefia ʻoku maʻu mei hono fakatafoki e “loto ʻo e fānaú ki heʻenau ngaahi tamaí” (vakai, Malakai 4:5-6).
Kei moʻutāfuʻua pē? Vakai ki he FamilySearch.org ke maʻu ha ngaahi fakakaukau, tokoni mo ha nāunau lahi ange.