3 ʻE Taʻofi ʻe he Manavaheé Hano Fakamolemoleʻi Koe
1. Manavahē he Ongoʻi Fakamāʻiá ʻOku ʻi ai ha ngaahi meʻa ia ʻoku kovi ange he ongoʻi fakamāʻiá, hangē ko e mafatukituki ʻo e angahala ʻoku teʻeki ai fakaleleiʻí. ʻI hoʻo fili ke fakatomala mo vete hoʻo ngaahi angahalá, ʻe mōlia atu ha faʻahinga ongoʻi fakamāʻia ia ʻi he nongá mo e fiefiá.
2. Manavahē ʻi he Feingá ʻE lava ke faingataʻa hono fai ʻo e liliú. Kae ʻilonga ha meʻa ʻoku mahuʻinga, ʻoku fie maʻu ki ai ha feinga mo ha ngāue lahi. Ko e ngaahi ola ko ia mei he fili ke liliú—ʻa e fakamolemolé, nongá mo e tupulaki fakalaumālié—ʻoku mahuʻinga fau ki ai ha faʻahinga ngāue ʻe fai.
3. Manavahē ʻi he taʻemalavá. Mahalo kuó ke feinga ke liliu ka ʻokú ke kei fai pē e ngaahi fehalaaki tatau. Mahalo ʻokú ke ilifia he ʻikai lava koe ia ʻo liliu. Ka te ke lava ʻo liliu, tuʻunga ʻi he Fakalelei ʻa Sīsū Kalaisí! ʻOku ʻikai faingofua e fakatomalá, ka te ke lava ʻo fai ia ʻi he tokoni ʻa Kalaisí. ʻOku teʻeki ai ke ke aʻu ki he ngataʻanga ʻo e Fakalelei ʻa Kalaisí, he koeʻuhí ʻoku ʻikai pē hano ngataʻanga ia ʻoʻona. Feinga mālohi maʻu pē pea laka atu ki muʻa.
Mahalo ʻe ngali fakamanavahē ʻa e fakatomalá, ka ko hono moʻoní, ko e hala ia ki he fiefia moʻoní. Te ke lava ʻo maʻu ha lototoʻa mo ha ivi ke fakatatafi atu e ngaahi ongoʻi manavahē ko ʻení, liliu hoʻo moʻuí peá ke toe ofi ange ki he Fakamoʻuí.