ʻOku Fakaʻaongaʻi ʻe Hoku Malí ʻa e Ponokālafí. Te u Fakaakeake Fēfē?
ʻE lava ke tokoni e ngaahi ʻulungaanga mahuʻinga ʻe fitu ko ʻení ki he mali ʻo ha taha ʻokú ne fakaʻaongaʻi e ponokālafí, ke ʻikai ngata pē heʻene ikunaʻi e loto mamahí ka ke ne lava foki ʻo vakai ki ha talaʻofa ʻo e ʻamanaki leleí. Kuo hoko e ngaahi ʻulungaanga ko ʻení—naʻe aʻusia ʻi ha tuʻunga fakafoʻituitui—ʻo mahuʻinga ki he tokolahi ki he fakamoʻui fakaelotó, fakaʻatamaí, mo fakalaumālié.
‘Ulungaanga 1: Fehangahangai mo e Kafo ʻo e Lavakiʻí Ako fekauʻaki pea ngāue leva ki he palopalemá, tukuakiʻi kitá mo e ngaahi tōʻonga kehe ʻoku hoko he taimi ʻokú ke ʻilo ai naʻe fakaʻaongaʻi pe ʻoku fakaʻaongaʻi ho malí ʻa e ponokālafí.
‘Ulungaanga 2: Vahevahe Lelei Maʻu ha mahino, poupou, mo e fakangofua ʻi hono vahevahe totonú.
‘Ulungaanga 3: Toe Langa e Loto-falala Fakalaumālié Fekumi pea muimui ki he ngaahi ueʻi ʻa e Laumālie Māʻoniʻoní ke tokoni atu ke toe fakafoki hoʻo falalá mo e ongoʻi lototoʻa fakalaumālié.
‘Ulungaanga 4: Kumi Tokoni Makehe mei he talatalaifale mo e kau taki lakanga fakataulaʻeikí, kumi e founga fakamoʻuí ʻo fakafou he ngaahi maʻuʻanga tokoni hangē ko e ngaahi tohi laukongá, ko ha taha faifaleʻi fakapalofesinale, faiako, pe polokalama fakaakeake kuo fakamoʻoniʻi.
‘Ulungaanga 5: Loto tauʻatāina pea faitotonu Talanoa maʻu pē kiate kinautolu ʻoku mou ʻofa aí ʻo kau ki he hala fononga fakatāutaha ʻo e fakamoʻuí mo e fakaakeaké pea fai ʻi ha founga tauʻatāina mo faitotonu.
‘Ulungaanga 6: Fokotuʻu e ngaahi fakangatangatá Fokotuʻu e ngaahi fakangatangata totonú mo ho malí pea fokotuʻu ha faʻunga ʻe ʻatā ke ngāué mo e fakaakeaké.
‘Ulungaanga 7: Fakahoko e tokangaʻi kitá Kau ʻi he ngaahi ngāue fakaʻaho ʻokú ne fakamoʻui mo langaki e ʻatamaí, sinó, mo e laumālié.