Taimi-tēpile Foʻou ki he 2019

ʻE kamata ʻi Sānuali ʻo e 2019 ʻa hono fakahoko e ngaahi fakataha ʻo e kōlomu kaumātuʻá mo e Fineʻofá ʻi he Sāpate ua mo e fā ʻo e māhina kotoa pē. ʻE nofotaha e ngaahi fakataha ko ʻení ʻi he ngaahi pōpoaki mei he konifelenisi lahi fakamuimuitahá. ʻE maʻu e ngaahi fokotuʻu fakafaiako ki he ongo fakataha ko ʻení ʻi he makasini Liahona ki he konifelenisi lahí ʻi he pulusinga ʻo Mē mo Nōvemá pea mo e Gospel Library App.

ʻOku kau mo ʻeni ʻi he ngaahi liliu kehe ʻe kamata he 2019:

• He ʻikai toe fai ʻa e fakataha alēlea ʻi he Sāpate ʻUluakí. Ka neongo ia, ʻo ka fie maʻu, ʻe lava ke fakaʻaongaʻi ʻe he ngaahi kōlomu kaumātuʻá mo e Fineʻofá ha taimi ʻi he fakataha ʻo e Sāpate uá mo e faá ke nau aleaʻi ai ha tefito mahuʻinga.

• He ʻikai toe fai ʻa e polokalama kamata, ʻa ia ʻoku faʻa fakataha ai ʻa e Lakanga Taulaʻeiki Faka-ʻĒloné mo e Faka-Melekisētekí pe fakataha ai e Fineʻofá mo e kau finemuí.

• He ʻikai kamata e ongo fakataha ʻa e kōlomu kaumātuʻá mo e Fineʻofá ʻaki ha hiva pe lotu kamata ka ʻe fakaʻosi ʻaki ha lotu tuku.