Jeparūjrūj n̄an Kweiļo̧k in Kwojkwoj
Ikar ļōmņak kōm ekar rūm̧wiji kwojkwoj eo—bar juon alen.
Pija ko jān Getty
Ke kōm kar em̧m̧akūt jān Amedka n̄an Vietnam, ļeo pāleeō im n̄a kōm kar kāālet bwe jeban joļo̧k juon raan in jar. Ālkin juon iiō, kōm kar jab joļo̧k juon raan in Jabōt in jar, ak ekutkut amim rūm̧wij im eiten aolep iien kōmij rūm̧wiji kwojkwoj eo. Iien kweilo̧k in kwojkwoj eo amim ej ijjinoe ilo 8:30 jibbon̄. Ippān jilu ajri, kōpojak im mōkajļo̧k n̄an iien jar eiten aolep iien elukkuun pen.
Āinwōt juon baam̧le kōm kar kālet bwe kōmij aikuj kakutkuti amim m̧ōkajļo̧k n̄an iien jar im bōk m̧ōttan kwojkwoj eo. Ekar juon men epen, ak kōm kar m̧ōkajļo̧k n̄an iien jar ilo emān raan in Jabōt ko. Ikar kile oktak eo ilo kijejeto ko kōm ar kōm̧m̧ani. Ekar ļapļo̧k en̄jake ko ilo jetōb kōm ekar bōki ilo wiik eo.
Jabōt eo tok juon, jekdoon ta, kōm ekar rūm̧wij amim rūj. Ekar kadede 7:30 awa jibbon̄. Ikar ba n̄an ļeo pāleeō bwe ekar ejjeļo̧k tokjen, ak tokālik ikar ļōmņak kōn wāween amim naaj jeraam̧m̧an n̄e kōm enaaj kate kōm kōppopo wōt im etal. Kōn menin, kōm ekar ekairir!
Ke kōmij tōparļo̧k m̧ōn jar eo, kōm ekar rūm̧wij 20 minit. Ikar en̄jake bwe kōm kar likjab. Kōm kar ron̄ ainikien aer al ke kōm kar deļo̧n̄ļo̧k, im ke ij kōpeļļo̧k kōjem eo, juon armej ekar walōn̄ļo̧k n̄an ijo im̧aan im jar.
“Al in ke kōpeļļo̧k men eo?” Ikar unoojdikdik n̄an mijenede eo ej jutak ilo kōjem eo.
“Aaet,” ekar ba. “Erūm̧wij ad ijjinoe rainin.”
Eaar ļo̧kjenaō. Ikar ļōmņak bwe kōm ekar bar wōtlo̧k jidik, ak kōm ekar tōprakļo̧k ilo m̧ōn jar eo ilo jejjōt in iien! Drenin kōmjaaļaļ ekar wōtlo̧k jān meja ilo aō en̄jaake iakwe eo an Jemedwōj Ilan̄ n̄an baam̧le jidikdik eo aō im n̄a.
Tokālik kōm ekar ekkatak bwe ke mijenede ro rekar tōprakļo̧k ilo m̧ōn jar eo Jabōt eo, rekar kile bwe ejjelo̧k ekar boktok bilawe n̄an kwojkwoj eo. Ejjeļo̧k m̧ōn wia ekar epaak, im bilawe epen n̄an elolo ilo Vietnam. Ālkin juon iien ilbōk ekadu, elder ro rekar kemeemej bwe ewōr bilawe ilo m̧weo m̧weer.
Jejjo raan m̧oktaļo̧k, elder ro rekar itok n̄an m̧weeo im̧ōm im kejota. Jota in raan eo, ikar kōpooj bilawe ko ikar kōmati n̄an er. Jar ekar rūm̧wij an ijjinoe jibbon̄ in Jabōt eo kōnke elder ro rekar ettōrļo̧k n̄an m̧weo im̧weer n̄an bōke bilawe eo ikar kōmatte n̄an er.
Anij ej loe kijejeto ko ad ilo ad kate kōj n̄an kōjparok kien ko An. Men̄e jet iien jej likjab jidik, E ej iakwe kōj im enaaj kōpooj wāween ko n̄an ad maron̄ tōprak—em̧ool men̄e ej wōt n̄an m̧ōkajļo̧k n̄an iien jar.